Bajerni i Mynihut është duke projektuar një lëvizje surprizë në merkato, në drejtimin dalës. Një nga mesfushorët energjikë të Bajernit, Arturo Vidal, ka kontratë me klubin bavarez deri më 2019. Pra edhe një vit dhe sezonin e ardhshëm ai del nga klubi gjerman me parametër zero, pra ikën si lojtar i lirë. Për të mos e dhënë falas në ndonjë klub tjetër, klubi i Bajernit po mendon ta shesë që tani mesfushorin, me bindjen se mund të fitojë një shumë të madhe parash për transferimin e tij.
Kontrata e futbollistit përfundon në vitin 2019 dhe para se bavarezët ta humbasin me parametër zero mendojnë ta shesin që këtë verë. Janë të shumta skuadrat që e dëshirojnë 30-vjeçarin, duke filluar që nga Premier League dhe Seria A. Mes tyre janë Milani dhe Interi, që po kërkojnë një mesfushor me nivel të lartë. Dy ekipet milaneze e kanë kontaktuar edhe më parë lojtarin. Gjithsesi, duket sikur Vidal tërhiqet më shumë nga ideja për të luajtur në Premier League. Por nuk ka ende një emër konkret se me cilën skuadër pëlqen të luajë. Në shijet e tij duket se Mancester Junajtid është më i arriri. /Pamfleti.com
