Gazetari investigativ, Artan Hoxha, ka tronditur politikën me një deklaratë të fortë kundër Presidentit Ilir Meta. Hoxha ka thënë mbrëmë në një studio se Presidenti është përfshirë në atë që ai e quan dosja “978”.
Sipas Hoxhës, përgjimet kishin nisur ndaj një biznesmeni të rëndësishëm në vitin 2008, i cili kishte pastruar rreth 7 milion euro.
Dy ditë përpara zgjedhjeve të 2009, sipas Hoxhës, ky biznesmen ishte kontaktuar nga Ilir Meta, i cili i kishte kërkuar 200 mijë euro. Për këtë, gazetari publikon edhe bisedën, ku përmendet emri i Kastriot Ismailajt, i përfshirë në skandalin e madh të CEZ.
Hodha ka deklaruar se “Dosja 978″ kishte mbi 8 mijë faqe me përgjime që nisnin që në vitin 2008, ku ishin të përfshirë gazetarë, botues mediash, politikanë dhe biznesmenë.
