Kreu i PD, Lulzim Basha ka lënë të hapur mundësinë e mënyrës se si do të hyjë opozita në zgjedhjet e 25 prillit 2021.
I ftuar në emisionin ‘’Kjo Javë’’ Basha ka theksuar se objektivi që ka sot opozita shkon përtej sinoreve të partive opozitare, prandaj Opozita është e bashkuar në çdo aspekt, përfshirë edhe taktikave se si do të hyjë në zgjedhje.
Ai shton se PD nuk është vonë me përzgjedhjen e kandidatëve apo me fushatën, madje konstaton se opozita është muaj përpara PS sa i përket kësaj të fundit në terren.
PJESË NGA INTERVISTA
Nisida Tufa: A është vonë Partia Demokratike zoti Basha, pasi keni ..
Lulzim Basha: Është e para që ka nisur procesin. Është e para që ka bërë një proces me të vërtetë gjithëpërfshirës të evidentimit të kandidaturave dhe pa asnjë diskutim është e vetmja forcë politike, sigurisht në bashkëpunim edhe me aleatët tanë të opozitës që ka avancuar jo thjesht me hartimin e programit, por dhe me shpalljen e planit tonë për të nxjerrë Shqipërinë nga kriza, për të sjellë ndryshimin që pret çdo shqiptar.
Nisida Tufa: Ka shumë diskutime dhe një pyetje që në fakt nuk po merr përgjigje nga opozita. Si do të shkojë opozita në zgjedhje. Përgjigja e deritanishme është do të maksimalizohen votat, do të merrni përgjigjen në kohën e duhur, kanë mbetur vetëm teknikalitetet, por në fakt si do të shkojë opozita në zgjedhje, me koalicione?
Lulzim Basha: Nuk Ka asnjë diskutim që opozita është e bashkuar dhe do të vijojë që të jetë e bashkuar me atë që duket një ortek i zemërimit qytetar për të sjellë me çdo kusht ndryshimin. Shqipëria nuk mund të vazhdojë më as 4 muaj me dështimet dhe me premtimet e pambajtura të Edi Ramës që janë shkaku i vërtetë i krizës ekonomike, i varfërisë dhe i papunësisë.
Nisida Tufa: Zoti Basha si po funksionon koalicioni në Lëvizjen Socialiste për Integrim ? A po punoni për një program të përbashkët të qeverisjes? Padyshim që të dyja forcat politike dhe të gjithë aleatët tanë po punojnë prej kohësh siç ju thashë për ofertën tonë qeverisje,
Nisida Tufa: Po kur do ta publikoni?
Lulzim Basha: Pjesë të këtij programi ka kohë që Partia Demokratike I ka diskutuar me grupet e interesit, në veçanti aspektin ekonomik të programit, taksën e sheshtë, subvencionet për fermerët, planin tonë për arsimin. Në kushtet e pandemisë kemi shpalosur dhe disa aspekte të planit tonë për shëndetësinë dhe ky dialog, ky diskurs me qytetarët do të vazhdojë pa reshtur me qëllim kryesor ofrimin e një alternative të zbatueshme që do të jetë dhe baza e qeverisjes së nesërme. Një qeverisje për njerëzit dhe jo për veten që është dhe kontrasti me i madh, është ndryshimi themelor me qeverisjen aktuale e cila dhe në ditët e saj të fundit vazhdon t’i shërbejë vetes së saj me një kosto të madhe për jetën dhe shëndetin e njerëzve në kushtet e pandemisë dhe të krizës që ajo ka shkaktuar.
Nisida Tufa: insistoj t’ju pyes ne raport me Lëvizjen Socialiste për Integrim apo, a po punoni për një taktikë të përbashkët elektorale?
Lulzim Basha: Opozita është e bashkuar ne çdo aspekt, në aspektin e strategjisë, të programit, të taktikave.
Nisida Tufa: Po ku konsiston?
Lulzim Basha: Ju dëshironi që unë t’ju jap sot se ku është strategjia dhe taktika opozitare?
Nisida Tufa: Po pse jo, pse jo?
Lulzim Basha: Shiko, mund të them vetëm këtë. Ajo që na bashkon është objektivi dhe është një objektiv që shkon përtej sinoreve të partive opozitare. Është një objektiv që bashkon shumicën dërrmuese të shqiptarëve, nevoja për ndryshim. Largimi i një qeverisje të dështuar, largimi i një kryeministri që nuk mbajti asnjë premtim në këto 7 vite dhe dhënia e Shqipërisë dhe shqiptarëve e një shansi për ndryshim përmes një qeverie e cila në fokus ka njeriun, problemet, vuajtjet dhe zgjidhjet e probleme për të gjitha kategoritë e qytetarëve dhe jo një grusht interesash ku është reduktuar qeverisja aktuale, jo vetëm e këtyre muajve aktuale por edhe gjatë këtyre viteve, i ka shërbyer dhe i shërben vetëm një grushti njerëzish, ndërkohë që shumica dërrmuese e shqiptarëve, ndihen të përjashtuar, të diskriminuar, të dëmtuar dhe të dënuar nga masat e kësaj qeverie.
Gazetarja: Me një apo me dy lista në zgjedhje z. Basha?
Lulzim Basha: Të gjitha vendimet që do të merren do të jenë në funksion të këtij detyrimi madhor që kemi ndaj shqiptarëve për të bërë të mundur përkthimin e kësaj ndjesie popullore, e kësaj, e këtij nguti, këtij nxitimi i njerëzve për ndryshim në një ndryshim sa më të thellë dhe domethënës. Domethënës do të thotë jo thjesht rrotacion por një qeverisje që të garantuar me sytë, veshët, mendjen nga qytetarët, me plane të gatshme për tu zbatuar që ditën e parë, që ditën tonë të parë në qeverisje
Nisida Tufa: Zonja Kryemadhi është shprehur disa herë që do të shkohet me një. Ndonjëherë të krijohet ideja sikur po bëhet fushatë ndarazi edhe pse partitë janë të ndryshme por dhe opozita e bashkuar është një
Lulzim Basha: Mozaiku i oferta dhe zgjidhjeve tregon pasuri të opozitës dhe është një nga le të themi kriteret kryesore. Sepse ndryshimi do të jetë i shpejtë edhe i thellë dhe jo thjeshtë një ndryshim karrigesh. Për shqiptarët nuk ka nevojë që të ndërrojnë karriget X apo Y por kanë nevojë për një ndryshim të thellë që do të thotë para të gjithash dhe mbi të gjitha një ndryshim i politikave që kanë të bëjnë me hallet kryesore të njerëzve, punësimi, kushtet e varfërisë dhe marrjen në dorë të situatës aktuale për të luftuar krizën dhe pandeminë, për të cilën ne kemi shpalosur një plan të konsoliduar prej marsit edhe deri në plan prej 5 pikash të shpallur në 29 Shtator.
Nisida Tufa: Ju thoni se Opozita është e bashkuar por konkretisht duke iu pyetur për LSI si po funksion koalicioni dhe çfarë keni folur konkretisht me zonjën Kryemadhi së fundmi.
Lulzim Basha: Funksionimi është shumë i mirë dhe komunikimi është i përditshëm dhe shumë efektiv me të gjithë aleatët tanë me LSI dhe të gjitha forcat e tjera politike opozitare dhe me çdo faktor tjetër opozitar.
Nisida Tufa: Mazhoranca ka nisur procesin në terren zoti Basha tashmë me krerët e fushatës. Ju kur do i nxirrni me drejtuesit nëpër qarqe?
Lulzim Basha: Ne jemi në terren çdo ditë, ne kemi muaj përpara se…
Nisida Tufa: Edhe LSI i ka zgjidhur
Lulzim Basha: Ne jemi muaj në terren përpara se PS apo Edi Rama të kujtohet për fasadën e fushatës. Nuk ka fushatë. Ka një përpjekje për të ringjallur mekanizmat ekstra politike të shit-blerjes së votës të aleancës me njerëzit me një grusht njerëzish që ju kanë pirë gjakun shqiptarëve këto vite por s’ka asnjë ofertë konkrete, ka vetëm një fushatë të propagandës, baltosjes dhe shpifjes dhe sulme ndaj opozitës, një përpjekje ndaj për të frikësuar qytetarët që tregon mjerimin e ku e ka sjellur forcën e tij politike Edi Rama dhe është parathënie e një rënie edhe e një dështimi spektakolar në përballjen me verdiktin popullor më 25 prill.
Nisida Tafa: E përmendni shpesh popullin që jeni në shërbim të tij pa asnjë diskutim, por nga ana tjetër shqiptarët zoti Basha kanë të drejtë të dinë 4 muaj para zgjedhjeve jo vetëm secili është kandidati për kryeminstër por edhe ekipin e tij konkretisht.
Lulzim Basha: Pa diskutim edhe unë mendoj që shumë prej figurave politike që partia demokratike i ka vënë në dispozicion betejave tona në luftën kundër korrupsionit në ofertën tonë ekonomike në programin tonë shëndetësor, në propozimet tona për të sjell rendin dhe sigurinë janë njerëz më dinjitet, janë njerëz me integritet janë të pranishëm për ditë në forumet mediatike dhe publike të kontaktit me njerëzit. Janë njerëz që as nuk mund të krahasohen me formim me edukim, në ndershmëri, në përkushtim me shërbëtorët e ditëve të fundit të Edi Ramës dhe është një ekip që do ti shërbejë me përkushtim dhe efikasitet zbatimit të programit tonë për një ekonomi e cila t’ju përgjigjet nevojës së njerëzve për vende pune dhe që t’i çliroj ata nga makthi i dështimeve të 7 viteve premtime të pambajtura të Edi Ramës
Nisida Tufa: Ju për gjatë gjithë kohës jeni përballur edhe me pakënaqësinë e parlamentit aktual përsa i takon deputetëve listës që është bërë aso kohe nga Partia Demokratike, sa ka shërbyer kjo për të reflektuar ju zoti Basha, për listën Basha le të themi për zgjedhjet e 25 prillit?
Lulzim Basha: Shikoni procesin, partia e parë në Ballkan që harton një proces.
Nisida Tufa: Kur do të bëhet publike lista?
Lulzim Basha: T’ua kthej përgjigjen e parë?
Nisida Tufa: Ok!
Lulzim Basha: Se për përgjigjen e dytë sigurisht do të ketë një vendim marrje sipas statutit me këshillin kombëtar dhe me kryesisë.
Nisida Tufa: Para afatit të kodit apo sipas kodit?
Lulzim Basha: Po sigurisht do të jetë para afatit të kodit se pse do të jetë pas afatit të kodit kur ne e kemi nisur procesin që në qershor. Pra përgjigja për pyetjen e parë është në vetë procesin të cilin e keni mbuluar ju të cilin dhe kritikë të njohuritë Partisë Demokratike janë detyruar ta pranojnë me objektivitet si një proces model i cili paralajmëron një qasje të re dhe një mendësi të re politike të Partisë Demokratike edhe nesër në qeverisje.
