Përdhosja e Presidencës si institucion sipëror i shtetit, ka shkuar deri në atë derexhe, sa po propozohen të moshuar e anormalë si Sali Berisha, dallkaukë e të pështirë si Petrit Vasili, anadollakë si Flamur Noka, ndrikulla si Monika Kryemadhi e Albana Vokshi, “të fortë” me nga 4 diploma si Tomë Doshi, ekuivalentë korrupsioni dhe pijanecë si Ilir Meta etj., por në fund do emërojë atë që ka në mendje Babloku
Është fakt, që proceset e përzgjedhjes së presidentëve, që nga Alfred Moisiu më 2002, Bamir Topi më 2007, Bujar Nishani më 2012 e deri te Ilir Meta me 2017-ën, kanë qenë pazare të pista personale e klanore të treshes Berisha- Nano- Meta- Rama.
Për të mos kaluar në zgjedhje të parakohshme, pra, për të sunduar bashkërisht nga 8 vite, votat për presidentët i kanë siguruar me klering tokash, lejesh ndërtimi, vendesh pune nëpër ambasada dhe ca me shit- blerje deputetësh, ku simbol kanë qenë proceset Topi e Meta.
Ndërsa këtë herë, pazarin dhe votat i ka në dorë vetëm Edi Rama, ndaj procesi është bërë tallava argëtuese për të, dhe lojë poshtëruese për shtetin, duke shkelur përcaktimin e Kushtetutës.
Vetë Edi Rama, nën maskën e gjoja komunikimit me popullin dhe me sondazhet e patronazhistëve në rrjetet sociale, krijoi terren për të propozuar, përfolur e nxitur vërshim kandidaturash të çdo kallëpi; aq sa, më dinjitozë ishin emrat e propozuar për “Përputhen”, se ata për Presidentin e Republikës.
Tollovia për presidentin e ri, ka shkuar deri në atë derexhe, sa po propozohen të moshuar e anormalë si Sali Berisha, dallkaukë e të pështirë si Petrit Vasili, karrieristë e anadollakë si Flamur Noka, ndrikulla si Monika Kryemadhi e Albana Vokshi, “të fortë” me nga 4 diploma si Tomë Doshi, ekuivalentë korrupsioni dhe pijanecë si Ilir Meta etj.
Pjesë e kësaj tallavaje që po drejtohet nga Taulant Balla, janë bërë grupi parlamentar i Alibeajt, i Shpëtim Idrizit dhe i Fatmir Mediut, ky i fundit përfaqëson Sali Berishën, siç është kuptuar nga kërkesat e shpeshta të tij, për ta futur Foltoren në tavolinën e negociimit.
Kushtetuta e thotë qartë, se kandidatura për President propozohet nga 20 deputetë me dokument të firmosur dhe depozituar te Kryetarja e Kuvendit, ndërsa Edi Rama e bëri me zarfe deputetësh të PS, të cilët nuk u bënë publike, se ç’emra kishin brenda apo ishin bosh.
Nisur prej ligjit, që çdo deputeti i lejohet të propozojë vetëm 1 emër e vetëm 1 herë gjatë gjithë procesit, PS-ja ka të drejtë të propozojë 3 emra kandidatësh e asnjë me tepër, mirëpo Taulant Balla, tha se mund të propozojë sa kandidatura të dojë në 3 raundet fundit.
PD-ja e drejtuar nga Alibeaj, me 25- 30 deputetët që i binden deri tani, ka të drejtë të propozojë vetëm 1 kandidat, mirëpo ditën e enjte, u bë e ditur se janë propozuar 8 emra, me gjasa se deri para raundit të dytë, lista mund të ketë më shumë kandidatë për President, se sa deputetë.
Ndërsa Fatmir Mediu e Shpëtim Idrizi, nuk mund të propozojnë dot emra kandidatësh, mbasi kanë nga 5-7 deputetë që ua kanë dhënë Berisha e Basha, për të krijuar grupe parlamanare për fonde, makina zyra, sekretare, udhëtime me delegacione zyrtare e ftesa nëpër botë.
Procesi farsë për Presidentin e ri, me Edi Ramën që prej 2 muajsh po tall menderen me deputetë ‘zarat” e tij e fatkeqësisht me opozitën; e ka katandisur Kuvendin e Shqipërisë, tamam si Kuvendet e Foltores, ku të gjithë krekosen si të rëndësishëm, japin mendime e mbajnë fjalime… por vendos vetëm Saliu.
Takimet, kriteret, kushtet e kandidaturat, janë krejt pa vlerë, mbasi emrin e Presidentit e ka në mendje dhe do ta caktojë vetëm Edi Rama pa pyetur askënd, por duke i përdrur të gjithë aktorët dhe faktorët që i duhen për video-konsultim publik./Pamfleti
