Nuk kanë fund çudirat me takimet e Sali Berishë. Dje ishte një ish-gardist që “çmendej” pas ish-kryeministrit, ndërkohë që sot ka dalë dhe një tjetër.
Berisha është ndalur në Kukës në kuadër të garës për kreun e PD, ndërsa një qytetar tha se e ka aq shumë për zemër deputetin demokrat, si thonë Muharrem Berisha.
“Pa ty nuk kemi për të ecur përpara. Kam dy thirrje për ty, të shkojë në Parlament gjenocidi në Kosovë dhe gjenocidi në Lumë. Këta janë komunistë të betuar. Prandaj unë di shumë me fol, por kaq. Jemi shumë krenarë. Edhe diçka, unë të thashë që jam Muharrem Nërguti, por shumica më thërrasin Muharrem Berisha. Të kam në zemër, prandaj na priftë e mbara dhe deri në vdekja jemi me ty Sali Berisha”, tha demokrati.
Dje në Lezhë një qytetar shprehej: “I nderuar doktor, jam oficer i Gardës së Republikës, ish i juaji personalisht. Vij nga Fani, jam mbështetësi juaji deri në vdekje, jo më shumë. Të përshëndes, ju dhe grupin nismëtar. Por kam një keqardhje, për ata lepujt, Lul Basha, Gaz Bardhi dhe ato qelbësirat që ne i hamë me dhëmbë, i shqyejmë lepujt. Dr. Berisha të njoh nga afër, të kam shoqëruar ku ke shkel me këmbë, në 1997 padiskutim, Skënderbeu i madh je padiskutim. Të dua fort, fatkeqësisht të dua më shumë se fëmijët e mi”.
