Aktualitet18 Mars 2019, 09:36

Mendoi se i kaloi vetingut, KPK rihap hetimet për kryegjyqtaren

Shkruar nga Pamfleti
Mendoi se i kaloi vetingut, KPK rihap hetimet për kryegjyqtaren

Mendoi se i kaloi vetingut, KPK rihap hetimet për kryegjyqtaren

Komisioni i Pavarur i Kualifikimit ka rihapur hetimet për Kryetaren e Gjykatës së Lezhës, Ornela Naqellari.

Drejtuesja e Gjykatës së Lezhës, doli dje në seancë dëgjimore, ku u përball me një hetim të kryer në të tri kriteret e rivlerësimit, kryer nga KPK.

Por, ndërkohë që në kriterin e pasurisë dhe atë të pastërtisë së figurës kaloi pa probleme duke u konsideruar e përshtatshme, ajo që u diskutua nga trupa gjykuese ishin 3 denoncime të publikut, të cilat ngritën dyshime për aftësitë profesionale të kryegjyqtares.

Një tjetër denoncim i bërë ishte edhe ai i kancelares së Gjykatës, e cila ka pretenduar para KPK-së se Naqellari kishte pajisur me vërtetim një person, që nuk ishte paraqitur në gjykatë. Për denoncimin e kancelares, gjyqtarja pretendoi se shkeljet nuk ishin kryer nga ajo, por nga vetë kancelarja.

Ornela Naqellari kreu studimet në Shkollën e Magjistraturës gjatë viteve 2006-2008. Ajo u emërua gjyqtare në Gjykatën e Përmetit në vitin 2009, ku e ushtroi funksionin e saj deri në vitin 2016. Përgjatë tre viteve të fundit, Naqellari drejton Gjykatën e Rrethit Gjyqësor Lezhë.

Aktualitet Hetimet KPK kryegjyqtaren Ornela Naqellari