Shkruar nga Pamfleti
Merret vendimi, Finlanda dhe Suedia dorëzojnë të mërkurën aplikimin në NATO
Kryeministrja suedeze Magdalena Andersson, gjatë një konference të përbashkët për shtyp me presidentin finlandez, Sauli Niinistö, në Stokholm deklaroi se të dy vendet do dorëzojnë aplikimin e tyre në NATO të mërkurën.
“Demokracia ka fituar”, tha Niinistö.
“E gjithë kjo pranverë ka qenë një triumf për demokracinë në Finlandë”– u shpreh lideri finlandez, duke iu referuar mbështetjes dërrmuese që aplikimi i Finlandës për NATO-n mori sot në parlament mbështetje nga populli finlandez.
“Suedia gjithashtu pret të bashkëpunojë së bashku me Turqinë brenda NATO-s”, tha Andersson.
Komenti i Andersson vjen si një përgjigje referuar deklaratës së djeshme të presidentit turk, i cili tha se nuk do të miratonte anëtarësimin e Suedisë dhe Finlandës në NATO për shkak të sanksioneve të vendosura ndaj Turqisë, si dhe akuzoi dy vendet për strehimin e “organizatave terroriste” kurde.
