Xi i dërgon mesazh Kim-it mes një numri të paprecedentë testesh raketore nga Koreja e Veriut.
Presidenti kinez Xi Jinping në një komunikim me udhëheqësin e Koresë së Veriut, Kim Jong Un, u shpreh i gatshëm të punojë me Phenianin për paqen dhe stabilitetin global. Mesazhi u përcoll nga Agjencia Qendrore Koreane të Lajmeve (KCNA), këtë të shtunë, disa ditë pasi Koreja e Veriut lëshoi një raketë balistike ndërkontinentale, duke deklaruar se do të përmbushte kërcënimet bërthamore të paralajmëruara nga SHBA me armët e veta bërthamore.
Koreja e Veriut ka kryer një sulm rekord me raketa në javët e fundit, duke rritur frikën se ajo është duke ndërtuar një test të 7 bërthamor, i pari i tij që nga viti 2017.
Xi i tha Kim se Pekini ishte i gatshëm të punonte së bashku për “paqen, stabilitetin, zhvillimin dhe prosperitetin e rajonit dhe botës“, pasi “ndryshimet në botë, kohë dhe histori po ndodhin në mënyra të paprecedentë“, raportoi KCNA.
Mesazhi i Xi për Kim u dha në përgjigje të urimeve nga Kim për përzgjedhjen e Xi Jinping për një mandat të tretë në krye të Partisë Komuniste Kineze. Ditë përpara nisjes së shkresës udhëheqësit të Koresë së Veriut, Xi u takua në margjinat e samitit të G20 në Bali me Presidentin e SHBA Joe Biden, ku shprehu besimin se Pekini nuk dëshiron të shohë një përshkallëzim të mëtejshëm të tensioneve nga Pheniani.
Uashingtoni ka thënë se dëshiron që Kina, aleati më i rëndësishëm dhe përfituesi ekonomik i Phenianit, të përdorë ndikimin e saj për të ndihmuar në frenimin e Koresë së Veriut. Por mesaduket, lëshimi i raketës balistike ndërkontinentale më 18 nëntor me rreze të mundshme për të goditur territorin e SHBA-së, dukej se ishte përgjigjja e Phenianit.
Këshilli i Sigurimit i OKB-së thirri një takim të hapur për zhvillimet në Korenë e Veriut, me 14 vende mes së cilave SHBA-të, Mbretërinë e Bashkuar, Francën dhe Indinë, për të “dënuar fuqishëm” veprimet e Phenianit. Por Kina dhe Rusia vendosën të mos i bashkoheshin aleatëve Perëndimor.
Në fillim të këtij muaji, SHBA kishte akuzuar Pekinin dhe Moskën për mbrojtjen e Phenianit nga ndëshkimi i mëtejshëm. Në maj, Kina dhe Rusia vendosën veton ndaj një përpjekjeje të udhëhequr nga SHBA për të shtrënguar sanksionet ndaj Koresë së Veriut në përgjigje të lëshimeve të mëparshme.
Pheniani është tashmë nën grupe të shumta sanksionesh ndërkombëtare për programet e tij bërthamore dhe raketore balistike dhe Kina përbën më shumë se 90 për qind të tregtisë dypalëshe të vendit të varfër.
