Lionel Mesi është kthyer në Barcelonë këtë javë dhe ka darkuar me disa nga ish-shokët e skuadrës dhe trajnerin Çavi.
Në mbledhje ka munguar Xherard Pike dhe arsyeja është zbuluar tani.
Gazetari Luis Kanut ka shpjeguar për Esport3: “Marrëdhënia është përkeqësuar dhe, me sa di unë, kjo ka ndodhur për shkak të rinovimit të fundit të kontratës së Pike me ulje të rrogës.
“Kjo e ka lënduar Mesin dhe ai është ndierë i zhgënjyer. Nuk dua të përdor fjalën tradhti, por është ndierë i tradhtuar nga Pike, sepse ai nuk e pranoi uljen në kontratë deri në momentin që Mesi ishte larguar nga Barça.
“Mesi mendon se ky veprim nga ana e mbrojtësit duhej të ishte bërë më përpara, në mënyrë që të parandalohej largimi i tij nga Barcelona”.
