Përfundon ndeshja e grupit C. Argjentina ka “hedhur pas krahëve” humbjen me Arabinë Saudite dhe ka mundur Meksikën me rezultatin e pastër 2-0, duke mbajtur gjallë shpresat për kualifikim.
“Albiçelestet” zhbllokuan ndeshjen në minutën e 64. Ishte pikërisht Mesi që kaloi në avantazh të tijtë me një goditje perfektë nga jashtë zonës, duke çarë mbrojtjen e Meksikës, që deri në ato momente ishte mbrojtur shumë mirë.
Me golin e shënuar sot, Leo ka kapur Diego Maradonën për numrin e golave të shënuar në Botëror (8), me vetëm Gabriel Batistutën (10) që ka bërë më mirë për Argjentinën në Kupën e Botës.
Në minutën e 87, Argjentina gjeti golin e qetësisë. Fernandez realizoi një gol spektakolar pas një goditje këndi, teksa poshti portierin meksikan Oçoa me një harkim perfekt.
Pas përfundimit të kësaj ndeshje, renditja në Grupin C është si më poshtë:
1-Polonia 4 pikë
2-Arabia Saudite 3 pikë
3-Argjentina 3 pikë
4-Meksika 1 pikë