Presidenti Ilir Metë është shfaqur tepër i lumtur mbrëmjen e sotme. Teksa i ka mbetur më pak se një muaj në Presidencë, takimet me ambasadoren amerikane Yuri Kim po bëhen të përjavshme dhe nuk mund të ketë gëzim më të madh për kreun e shtetit.
Frika se mund të shpallet “non grata” ka bërë që presidenti sa herë është afër ambasadores të fluturojë nga gëzimi, pasi shpreson se ndoshta amerikanët kanë ndërruar mendje.
Sot ata janë bërë bashkë në një pritje nga ambasada e Egjiptit. Meta ka reaguar në rrjetet sociale dhe shfaqet tepër i gëzuar.
“I gëzuar të merrja pjesë në pritjen e Ambasadës së Egjiptit, me rastin e Festës Kombëtare të këtij vendi mik, për të ndarë urimet më të mira për prosperitetin e popullit egjiptian dhe për Presidentin Alsisi Official. Të vendosur për të forcuar më tej lidhjet e forta historike e kulturore dhe marrëdhëniet tradicionalisht shumë të mira historike, politike, kulturore dhe njerëzore midis dy vendeve e popujve tanë”, shkruan Meta në Twitter.
Pak javë më parë pati dy shtrëngime duarsh mes Ilir Metës dhe Yuri Kimit. Fillimisht u takuan në një aktivitet për votën e diasporës, ndërsa më pas ambasadorja zhvilloi një pritje me të gjithë ish-ministrat e Jashtëm.
Por këto takime nuk kanë qenë dhe aq të efektshme sa shpreson Meta, pasi gjatë një vizite që zhvilloi në SHBA pak ditë më parë nuk e pati asnjë zyrtar vendas. Presidenti po lutet për mëshirë por vështirë duket se do e ketë.
