Kristjan Asllani është padyshim një nga emrat më të larkuar së fundmi për sa i përket merkatos. Mediat italiane raportojnë së fundmi, se një derbi i zjarrtë mes Interit dhe Milanit, ka nisur, për sa i përket shërbimeve të shqiptarit. Të dyja klubet janë duke i përdorur të gjitha kartat për të joshur talentin 20-vjeçar nga Elbasani, që është duke zhvilluar një sezon të jashtëzakonshëm me fanelën e Empolit.
Të dy klubet nga Milano po mendojnë për formulën e transferimit dhe përfshirja e ndonjë lojtari për të ulur çmimin e kartonit është një prej tyre.
Milani, sipas mediave italiane, është i gatshëm të japë në këmbin të Asllanit sulmuesin e huazuar te SPAL, Lorenco Kolombo, teksa zikaltërit e Interit e shikojnë shqiptarin si pasardhësin ideal të Brozoviçit.
Asllani mësohet se është në listën e Maldinit, i cili po bën çmos për ta pasur 20-vjeçarin në skuadër. Për sa i përket Kolombos, ai mund të zëvendësojë Andrea Pinamontin, autor të 13 golave në Serinë A këtë sezon me Empolin.
Interi pritet ta rikthejë në ekip me shumë mundësi, ndaj sulmuesi duhet zëvendësuar me një tjetër. Milani është gati të shfrytëzojë momentin për të arritur pikërisht tek Asllani. Në ditët në vijim pritet të mësohet me kuriozitet se cila do të jetë e ardhmja e talentit të Kombëtares shqiptare.
