Bashkimi Evropian e mbështet çdo iniciativë mes shteteve që përfshin gjithpërfshirje, por Ballkani i Hapur nuk i ka mundësitë operative siç i ka Procesi i Berlinit, deklaroi shefi i diplomacisë kroate, Gordan Gërlliç Radman.
Ministri i jashtëm kroat në një intervistë për RTMZ tha se qëndrimi i BE-së dhe i Kroacisë është që ta mbështesin çdo iniciativë që është pjesë e rrugës euroatlantike, evropiane dhe e cila nënkupton përfshirje të të gjitha vendeve të rajonit.
“Nëse keni dyfishim të disa proceseve, duhet të shihni fokus të iniciativave që mbërrijnë vlerë plotësuese. Kur flasim për iniciativën e tregut të përbashkët, Ballkani i Hapur, ai përfshin vetëm tre vende, ato duhet të tregojnë gjithpërfshirje dhe realizim të disa interesave”, tha Gërlliç Radman.
Ai shtoi se i duket se Ballkani i Hapur “nuk ka mundësi adekuate për zbatim operativ”, për dallim të “iniciativës së përbashkët rajonale në kuadër të Procesit të Berlinit, e cila është e mbikëqyrur nga këshilli për zbatim në koordinim me BE-në”.
“Konsiderojmë se Procesi i Berlinit është iniciativë e mirë dhe japim mbështetje të fuqishme për Procesin e Berlinit”, tha Gërlliç Radman.
