Shkruar nga Pamfleti
Miqësorja ndaj Arabisë Saudite me lojtarë nga Superiorja, zbulohet lista kuqezi për ndeshjen e 26 tetorit
Kombëtare eksperimentale në Abu Dhabi kundër Arabisë Saudite. Ky nuk është më një lajm sepse sfida e 26 tetorit në Lindjen e Mesme është kryesisht një test vitrine për kuqezinjtë, dukshëm ndryshe nga ndeshjet e tjera dhe me hapësira të mëdha për emrat premtues të Kategorisë Superiore. Trajneri Edi Reja e ka dërguar në federatë tashmë listën me emrat që dëshiron të ketë në grumbullimin e 23 tetorit ku do të drejtojë një miks mes elementëve nga skuadrat kryesore të vendit tone, por edhe lojtarë me eksperiencë që mund t’u japin shumë të rinjve për herë të parë me fanelën kuqezi.
Ndeshja me Arabinë Saudite e kushtëzon jo pak trajnerin italian për faktin se data 26 nuk është e lirë nga FIFA në kelandarin zyrtar dhe si e tillë, e shtyn 77-vjeçarin që të mendojë për një grup të reduktuar nga brumi i Superiores dhe lojtarë që aktivizphen pak ose aspak me skuadrat e tyre. Kështu, në Kategorinë Superiore, rekordin e mban Partizani me 4 emra që janë Eneo Bitri, Andi Hadroj, Arinaldo Rrapaj dhe Xhuliano Skuka, ndërsa Tirana prezantohet me Xhixhën, Deliun e Kallakun. Po tre emra do të bashkohen edhe nga Vllaznia ku janë thirrur Gurishta, Hakaj e Mala, por elementë interesantë Reja ka gjetur edhe te Teuta ku kanë marrë ftesë Albion Marku e Lorenco Vila.
Lista e kalon kufirin me Ardit Tolin dhe Taulant Seferin që të dy pjesë e Vorsklas në Ukrainë për të vijuar me Sokol Cikalleshin që këtë sezon u transferua në Arabinë Saudite, por edhe në Turqi me Bekim Balajn. Nuk ka një ftesë për lojtarët e tjerë të Turqisë si Abazaj apo Rroca edhe pse ky i fundit po e pret prej kohësh një thirrje nga tekniku Italian, pasi me rikuperimin pas dëmtimit të gjatë, ka gjetur formën optmiale e madje ka shënuar edhe një gol.
Reja ka hartuar gjithashtu edhe një listë pritjeje nëse disa nga lojtarët e thirrur do të tërhiqen dhe ata janë: Islmajlgeci, Herald Marku dhe Tedi Cara. Përballja miqësore kundër Aranisë Saudite do të luhet në 26 tetor në “Al Nahyan Stadium” të Abu Dabit në 16:30 me orën tonë. Përfaqësuesja do të nisë grumbullimin më datë 22 tetor në kompleksin Tropikal në Durrës dhe më datë 24 tetor do të udhëtojë për në Abu Dabi ku do të vijojë përgatitjet për duelin miqësor./RTSH
Lista e pjesshme e miqësores me Arabinë Saudite
Tirana
Redon Xhixha
Sherif Kallaku
Ardit Deliu
Teuta
Albion Marku
Lorenco Vila
Vllaznia
Erdenis Gurishta
Esin Hakaj
Esat Mala
Partizani
Eneo Bitri
Andi Hadroj
Arinaldo Rrapaj
Xhuliano Skuka
Nga jashtë
Bekim Balaj (Turqi)
Sokol Cikalleshi (Arabia Saudite)
Ardit Toli (Ukrainë)
Taulant Seferi (Ukrainë)
Lista e pritjes
Ismajlgeci (Tirana)
Marku (Vllaznia)
Cara (Partizani)
