Njësia 54777 u rikthye në vitin 2008, që përkon me pushtimin rus të Gjeorgjisë, kur dyshohet se luajti një rol kyç në luftën e informacionit të nisur nga Kremlini në prag të konfliktit.
Dezinformimi, është një specialitet dhe një specifikë e Rusisë që nga koha e Carit. Vetë termi e ka origjinën në Bashkimin Sovjetik, të epokës së parë staliniste.
Dezinformimi është në gjendje të krijojë më shumë dëme në sferën e realitetit sesa mendohet zakonisht. Bazuar në përmbajtjen, vrullin dhe sasinë, ai mund të ngatërrojë, të polarizojë, radikalizojë, trullosë dhe tmerrojë.
Misteri i Njësisë 54777
Njësia 54777, e njohur gjithashtu si Qendra e Shërbimit Special të 72-të, është një divizion i shërbimit të inteligjencës ushtarake ruse, GRU, që specializohet në informacion dhe operacione psikologjike. Jo një nga shumë, por më e rëndësishmja nga të gjitha.
(Shumë) pak dihet për origjinën dhe strukturën e Njësisë 54777. E themeluar gjoja në prag të rënies së Bashkimit Sovjetik, pra gjatë fillimit të viteve 1990, ajo u themelua për të pasuar Drejtorinë Kryesore Politike famëkeqe të Ushtrisë Sovjetike dhe Marinës Sovjetike. Objektivi: ngadalësimi i procesit të shpërbërjes së gjigantit komunist duke përhapur mashtrime pro-sovjetike, gjysmë të vërteta dhe lajme të shtrembëruara në republikat e tërhequra nga thirrja e pavarësisë, si dhe kundër separatizmit etno-fetar në Kaukazin verior.
Balltiku, Çeçenia dhe Ukraina, ishin “teatrot” kryesore operative të Njësisë 54777 në fillim të viteve 1990. “Teatro” në të cilat divizioni nuk arriti qëllimet e paracaktuara, por rezultoi një eskepriment i dështuar, që dha mësime se si mund të zhvillohej lufta psiko-informative.
Pasi i mbijetoi paragrafit traumatik të Jelcinit, Njësia 54777 u forcua gjatë epokës së Putinit: zgjerimi i fuqisë punëtore, zgjerimi i fushëveprimit, zgjerimi i buxhetit vjetor.
Njësia 54777 gjatë epokës së Putinit
Njësia 54777 u rikthye në vitin 2008, që përkon me pushtimin rus të Gjeorgjisë, kur dyshohet se luajti një rol kyç në luftën e informacionit të nisur nga Kremlini në prag të konfliktit. Një luftë informacioni e gjithanshme sepse u drejtohet Abhazëve, Gjeorgjianëve, Osetëve dhe Rusëve, por edhe perëndimorëve, dhe e suksesshme, pasi ka rezultuar të jetë thelbësore për të turbulluar ujërat për origjinën dhe përgjegjësitë e luftës.
Njësia 54777 është bërë krahu kryesor i operacioneve psikologjike të Rusisë jashtë vendit. Aktivitetet e saj, të përbëra nga sulme të dhunshme kibernetike, janë raportuar në arenat e mëdha të konkurrencës së fuqive të mëdha, madje dhe në SHBA.
Nëse do t’ju duhej të përshkruanit Njësinë 54777 me një mbiemër, më i përshtatshmi ndoshta do të ishte “Mefistofelia”. Sepse “modus operandi” i këtij divizioni të specializuar në dezinformimin e nivelit të lartë është i keq. Thirrje të rreme humanitare për të manipuluar komunitetin ndërkombëtar – si në vitin 2014, në periudhën ndërmjet Euromaidanit dhe ndërhyrjes së Krimesë, kur komunikatat rrëqethëse (por false) të nënshkruara nga rusishtfolës, të shtypur nga qeveria ukrainase u popullarizuan. Peticione false në emër të politikanëve nga vendet aleate për të mbjellë mosmarrëveshje – siç ndodhi në vitin 2015, me Shtetet e Bashkuara dhe Ukrainën si objektiva, në atë që është përcaktuar “Përpjekja e parë e njohur e divizionit […] për të ndikuar tek politikanët amerikanë”.
Të gjithë, duke përfshirë edhe vetë rusët, mund të përfundojnë në lupën e Njësisë 54777. Rusët që banojnë në Federatë, si dhe ata që jetojnë në hapësirën post-sovjetike dhe në pjesën tjetër të botës, kanë qenë gjithmonë në shënjestër të Njësisë 54777. /Përshtati “Pamfleti” nga “il Giornale”
