Urojmë, që “punë-shumti e punë-mbaruari” Nursen Metuli i drejtorit Blendi Gonxhja, të mos dëgjojmë që është prangosur apo kërkohet nga drejtësia italiane, greke, qipriote, belge apo turke. Siç i ndodhi dhe Agim Kajmakut, të cilit Gonxhja i ka dhënë miliona lekë tenderë lulesh, fidanësh e plehu, kur ishte drejtor i ndërmarrjes së Parqe-Gjelbërimit të Tiranës.
Nuk bëhet fjalë për Nusretin e Dubait, ku kryeministri Rama me ministreshat, ministrat, këshilltarët e disa oligarkë të afërt, shkojnë shpesh fundjavave e denden me bifteqe 1000 USD e relaksohen në hotele, që siç thotë Rama, i paguan sheiku Alabbar i Portit të Durrësit.
Personazh i këtij shkrimi është Nursen Metuli, sekseri publik dhe ortaku ilegal i Drejtorit të Transportit Rrugor, Blendi Gonxhja, pronar 100% i firmës “A-T-D-ALBANIAN TECHNOLOGY DISTRIBUTION Sh.p.k”, që përveç tregtimit të produkteve ushqimore, shit-blerjeve të makinave, merret dhe me biznesin e sistemit “GSP”.
Këtë firmë, Nursen Metuli e ka krijuar në muajin qershor 2012, me një lazaratas të quajtur Erjon Basha dhe përmetar të quajtur Rogert Jashari, të cilët në muajin korrik 2016 e në muajin tetor 2019, ia kanë dhuruar 66% të kapitalit me vlerë totale afro 2 milionë Euro.
Përveç krushqisë, drejtorin Blendi Gonxhja dhe Nursen Metulin, i ka lidhur fakti që shumë makina në pronësi të Gonxhes, janë loguar dhe qarkullojnë, shiten e jepen me qira, si makina të firmës “A-T-D-ALBANIAN TECHNOLOGY DISTRIBUTION Sh.p.k” të Metulit.
Por përveç kësaj, lidhjet e tyre kanë ndikuar dhe në tenderët që institucionet shtetërore, sajojnë për shërbimin “GSP” të makinave zyrtare, të cilët në 9 vite pushtet i ka marrë vetëm firma “A-T-D-ALBANIAN TECHNOLOGY DISTRIBUTION Sh.p.k”.
Sipas të dhënave që disponon “Pamfleti”, rezulton se në vitet 2014-2022, firma e krushkut, sekserit dhe ortakut ilegal të drejtorit Blendi Gonxhja, ka marrë 10 milionë Euro tenderë, të gjitha pa garë, për gjoja “shërbim emergjence”, me dokumente false, me 100% të fondit limit e specifikime të sajuara, vetëm për të justifikuar procedurat si fitues.
Nuk është rastësi, që pikërisht kjo firmë fiton gjithë tenderët, madje dhe tenderë për shërbim “GSP” kamionçinash, zetorësh e fadromash të ndërmarrjeve të gjelbërimit të bashkisë Tiranë dhe deri te bashkitë Finiq e Ersekë.
Po kështu, nuk është rastësi, që kodet e “GSP” që përdor firma “A-T-D-ALBANIAN TECHNOLOGY DISTRIBUTION Sh.p.k” e Nursen Metulit, e kanë serverin të përbashkët me Drejtorinë e Transportit Rrugor dhe me firmën e makinave me qira e shërbimit taxi “Albarent shpk”, që është 100% në pronësi të drejtorit Blendi Gonxhja.
Urojmë, që “punë-shumti e punë-mbaruari” Nursen Metuli i drejtorit Blendi Gonxhja, të mos dëgjojmë që është prangosur apo kërkohet nga drejtësia italiane, greke, qipriote, belge apo turke.
Siç i ndodhi dhe Agim Kajmakut, të cilit Gonxhja i ka dhënë miliona lekë tenderë lulesh, fidanësh e plehu, kur ishte drejtor i ndërmarrjes së Parqe-Gjelbërimit të Tiranës.
Sepse kemi informacion, që dhe nga Byroja Kombëtare e Hetimit, Nurseni i 10 milionë Euro tenderë për gjurmimin e makinave, është në listën e gjurmimit prej agjencive ligj-zbatuese, për punët pista që bën, madje dhe nga SHISH, te i cili ka marrë 11 milionë lekë tender për shërbimin “GSP”./Pamfleti
