"Mos keni frikë Vuçiç", Haradinaj- presidentit serb: Serbia të njohë Kosovën, nëse nuk do Shqipërinë e Madhe

Kryetari i partisë Aleanca për Ardhmërinë e Kosovës, Ramush Haradinaj deklaroi se nëse Serbia i frikësohet një bashkimi mes Shqipërisë dhe Kosovës, duhet ta njohi këtë të fundit si shtet të pavarur.

Për të rejat më të fundit behuni pjesë e grupit tonë VIRAL në facebook : PAMFLETI

-Lexo edhe:

Kur do të krijohet qeveria e re? Vjen reagimi i parë nga Albin Kurti pas takimit me Vjosa Osmanin

“’Pazari’ me Evropën”/ DW: Si ta bësh Serbinë ta njohë Kosovën?

Përmes një postimi në FaceBook, Haradinaj iu përgjigj deklaratës së presidentit serb, Aleksandër Vuçiç, i cili e quajti person të rrezikshëm ndërsa idenë e Shqipërisë së Madhe, e cilësoi si një kërcënim për rajonin dhe Europën.

Haradinaj pohoi se Kosova është në rrugën e saj drejt anëtarësimit në NATO dhe OKB, ndërsa i kërkon Vuçiçit të mos nervozohet pasi “Kosova vetëm po kërkon atë që i takon”.

“Nëse ju dhe të tjerët dëshironi ta shmangni një referendum mbi bashkimin e Kosovës me Shqipërinë në vitin 2025, ka një mënyrë shumë të thjeshtë: Serbia ta njohë Kosovën si shtet të pavarur.

Tutje, Kosova e di rrugën e saj drejt anëtarësimit në NATO, BE dhe OKB. Me retorikë histerike nuk do të na ndaloni në të drejten tonë për të definuar të ardhmen e Kosovës.”

“Mos keni frikë, z. Vuçiq. Nuk keni nevojë të jeni nervoz. Kosova vetëm po e kërkon atë që i takon. Nëse ju dhe të tjerët dëshironi ta shmangni një referendum mbi bashkimin e Kosovës me Shqipërinë në vitin 2025, ka një mënyrë shumë të thjeshtë: Serbia ta njohë Kosovën si shtet të pavarur”, shkruan Haradinaj.

Postimi i plotë i Haradinajt:

Për sa kohë i dukem i rrezikshëm Aleksandër Vuçiqit dhe Serbisë, jemi në rrugë të drejtë!

Mos keni frikë, z. Vuçiq. Nuk keni nevojë të jeni nervoz. Kosova vetëm po e kërkon atë që i takon.

Nëse ju dhe të tjerët dëshironi ta shmangni një referendum mbi bashkimin e Kosovës me Shqipërinë në vitin 2025, ka një mënyrë shumë të thjeshtë: Serbia ta njohë Kosovën si shtet të pavarur.

Tutje, Kosova e di rrugën e saj drejt anëtarësimit në NATO, BE dhe OKB. Me retorikë histerike nuk do të na ndaloni në të drejten tonë për të definuar të ardhmen e Kosovës.

Të gjithë duhet ta dinë që deklarata dhe betimi im për bashkim me Shqipërinë vjen si rezultat i neglizhencës së vazhdueshme të Brukselit në lidhje me Kosovën. Kosova dhe qytetarët e saj janë më pro-perëndimorët dhe si të tillë nuk e meritojnë të përbuzen, injorohen dhe kushtëzohen në pafundësi.