Bota10 Janar 2023, 12:42

Moska shton presionin: Do rrisim numrin e armëve bërthamore!

Shkruar nga Pamfleti
Moska shton presionin: Do rrisim numrin e armëve bërthamore!

Ministri i Mbrojtjes rus, Sergei Shoigu ka paralajmëruar se Moska nuk do të tërhiqet, por do të vazhdojë të zhvillojë treshen e saj bërthamore të raketave balistike, nëndetëseve dhe bombarduesve strategjikë, sepse këto armë janë mbrojtja kryesore për sovranitetin e saj. Po ashtu ai shtoi se Rusia do të rrisë aftësitë luftarake të forcave të hapësirës ajrore.

“Ne do të vazhdojmë të zhvillojmë treshen bërthamore dhe të ruajmë gatishmërinë e saj luftarake, pasi mburoja bërthamore ishte dhe mbetet mbrojtja kryesore e sovranitetit dhe integritetit territorial të shtetit tonë.

Ne gjithashtu do të rrisim aftësitë luftarake të forcave të hapësirës ajrore si në aspektin e punës së gjuajtësve dhe bombarduesve në zonat ku funksionojnë sistemet moderne të mbrojtjes ajrore, ashtu edhe në drejtim të përmirësimit të mjeteve ajrore pa pilot”, tha Shoigu.

Bota armët bërthamore Moska