Televizioni shtetëror rus gjatë një emisioni ka kërkuar që emri i vendodhjes së Ambasadës Britanike në Rusi të ndryshohet dhe ti vendoset emri i raketës së re hipersonike.
Propagandistët e Presidentit Rus, Vladimir Putin kanë bërë thirrje me nota sarkastike duke kërkuar që adresa e Ambasadës Britanike në Moskë të ndryshohet në “Sheshi Sarmat” – emri rus për armën bërthamore të tiranit.
Kjo vjen pasi Putini e riemëroi adresën e Ambasadës Amerikane, në Moskë, Sheshi i Republikës Popullore të Donetskut, pasi Rusia i përgjigjet mbështetjes ushtarake perëndimore për Ukrainën.
Ndërsa adresa e misionit gjerman do të ndryshohet në Sheshin e Republikës Popullore të Luhansk, është shprehur një burim.
Televizioni shtetëror rus ka debatuar për mënyrën më të mirë për të vënë në siklet britanikët duke riemëruar vendndodhjen e ambasadës së Mbretërisë së Bashkuar, duke e quajtur atë për nder të raketës Sarmat – që do të vendoset deri në fund të këtij viti, sipas Putinit.
Dy spikerët televizivë Yevgeny Popov dhe Olga Skabeyeva dëgjuan një thirrje nga audienca që adresa në të ardhmen të njihet si Sheshi Sarmat pas raketës hipersonike të Putinit prej 208 tonësh, Satan-2, e aftë për të zhdukur objektivat me shpejtësi 15,880 mph.
“Sarmat është një emër i mirë”, tha Skabeyeva, e njohur si “Kukulla e hekurt” e TV të Putinit.
“Britania kishte pjesën e saj të përgjegjësisë për luftën kundër Ukrainës që vazhdoi për kaq gjatë”, u tha ajo shikuesve.
Madje prezantuesi Popov, gjithashtu një besnik ndaj Putinit, sugjeroi pseudonimin ukrainas për kryeministrin britanik “Boris Johnsonyuk” si një emër të ri rruge apo sheshi.
Ndërkohë Deputeti rus Aleksey Zhuravlyov, me ironi u shpreh se “Sarmat është me të vërtetë një emër i mirë”.
Prezantuesja ruse ju përgjigj: Ata thonë se mund t’i shkatërrojmë ata (MB-në) dy herë me një Sarmat?
Zhuravlyov, nënkryetar i komitetit të mbrojtjes të parlamentit rus, i tha asaj: “Oh po, dy herë me një, pa dyshim. Nuk do të ketë asnjë ishull. Absolutisht! Nga vetëm një Sarmat”
Prezantuesi televizivë e pa këtë shumë zbavitëse dhe vazhdoi të ironizonte më tej. “Në të vërtetë të gjithë në Angli e dinë se kjo rrugë [nga Ambasada e Mbretërisë së Bashkuar] duhet të emërohet pas Ushtrisë Republikane Irlandeze – mendoj se të gjithë do ta shijonin atë”, tha ai.
