Atalanta siguroi një fitore të madhe të mërkurën në Champions League. Ekipi italian mposhti 0-2 Liverpulin në “Anfield”, një sfidë ku Berat Gjimshiti ishte ndër më të mirë në fushë.
Për të rejat më të fundit behuni pjesë e grupit tonë VIRAL në facebook : PAMFLETI
Tani do të tentohet rikthimi te fitorja në kampionat, pas dy barazimeve me Interin dhe Spezian. Bergamaskët presin nesër në shtëpi Veronën, ndeshje e vlefshme për javën e nëntë të Serisë A.
Por Aleksej Mirançuk ka rezultuar pozitiv me Covid-19. Një lajm i keq për trajnerin Gasperini, teksa mesfushori rus ka nisur menjëherë karantinën.
Në komunikatën zyrtare, Atalanta bën të ditur se të gjithë pjesëtarët e klubit do t’i nënshtrohen tamponëve mbrëmjen e sotme, me shpresën që të mos ketë lojtarë të tjerë të infektuar.
