Shkruar nga Pamfleti
Të gjesh shpirtin binjak para një tabloje të Picasso-s apo para një instalcioni kontemporan të Damien Hirst. Nuk është temë e një filmi romantik, por objektivi që ka shtyrë tre të rinj të krijojnë Muzing, aplikacioni që lejon realizimin e një takimi për të vizituar bashkë një muze. E ripagëzuar në rrjet si “Eshka e Kulturës”, aplikacioni përfshin në katalogun e tij shumë muze.
“Dashnorë dhe të dashuruar pas artit bashkohuni” është slogani i aplikacionit, i zhvilluar nga ndërmarrja franceze Culturaliv. Muzing është një aplikacion falas për dispozitivë iOs dhe Android dhe objektivi i tij, siç shpjegohet nga vetë krijuesit “është të krijojë një vlerë socialo kulturore të artit duke nisur nga njerëzit që dashurojnë muzetë”.
Në kryeqyetet kryesore të botës, Muzing është tashmë shumë e përdorur
Si funksionon aplikacioni
Për t’u përgatitur për një udhëtim kulturor dhe/ose dashurie, mjafton pak: Pasi keni futur të dhënat personale, përdoruesi duhet të specifikojë nëse është në kërkim të një miku apo një takimi, seksin dhe moshën e dëshiruar. Më pas do ketë akses në dy ekranet kryesore të aplikacionit.
Në njërin shfaqen profilet që korrespondojnë me nevojat e kërkuesit, në tjetrën, falë funksionit “near me”, do jetë e mundur të zgjidhet një event në bazë të pozicionit tonë gjeografik”.
