Ndahet nga jeta në moshën 76 vjeçare piktori i njohur korçar Sotiraq Xega, padyshim një prej piktorëve më të mirë të peisazhit.
Sotiraq Xega ka më shumë se 35 ekspozita vetjake, pjesa më e madhe e punimeve të tij janë në gjininë e peisazhit.
Drenovari Sotiraq Xega, kohët e fundit ekspozitat e tij i ka çelur në natyrë pasi ia kishin ndaluar të bënte një gjë të tillë në mjedise ku ekspozonin dhe piktorë të tjerë.
Ekspozita e fundit e Xegës ka qenë ajo e manave të Drenovës, ekspozitë të cilën e paraqiti për miqtë kryesisht, në një prej rrugicave të fshatit të njohur turistik.
Përpos ekspozitave të shumta që e kanë bërë Xegën një prej mjeshtërve të peizazhit, emri i tij lidhet edhe me piktura të vjedhura të piktorit të madh Vangjush Mio, piktura që u zhdukën nga galeria e arteve të Korçës.
Kjo, pasi Xega ka qenë dhe ish-përgjegjës i arkivave në Korçë.
