Në festën e ditëlindjes super të komentuar të Bes Kallakut ‘shkëlqeu’ veshur si fshatare Arbana Osmani.
Mirëpo kjo ka bërë që ndjekësit t’i shkruajnë krahas një videoje në Instagram, të publikuar nga Arbana ku ka lajmëruar rikthimin e “Dua të të bëj të lumtur”: “Je nga të vetmet gazetare që të ndjek që nga kohët e top radio e deri sot, por në momentin kur si person publik u thua njerëzve “kini kujdes” dhe në krahun tjetër shfaqesh në party me 30 njerëz a më shumë, sikur del kundra atyre që keni thënë.”
Mirëpo, Arbana është përgjigjur duke thënë: “Faleminderit, polemikat e kota ua kemi lënë portaleve me kohë. Përqafime!”
Në fakt ndjekësja në këtë rast e ‘ka kapur’ me fjalët e saj, por pa patur mundësi të kthejë dot një përgjigje për të qenë, Arbana ia ka lënë ‘fajin portaleve’.
Kujtojmë se Drejtoria Vendore e Policisë Tiranë ka gjobitur me 1.000.000 lekë pronarin e lokalit ku u organizua ditëlindja e aktorit, si dhe ka pezulluar nga detyra 6 punonjës policie për moskryerje të kontrollit të territorit.
