“Zinxhiri i zi” i drejtësisë së vjetër, ka depërtuar dhe në drejtësinë e re/ Ka plan të SHBA, që afro 30 gjyqtarë e prokurorë, të cilët e kanë kaluar procesin “me mik”, do ri-kalojnë në “Veting”, mbasi vazhdon të ndodhë, që në Shkallën e parë të gjykon burri, në apel të ri-gjykon gruaja, në Gjykatën e Lartë ta bënë rekursin daja, halla, xhaxhai vjehrri, vjehrra e tyre; ndërsa ankesat në Ministrinë Drejtësisë, Prokurorinë e Përgjithshme apo në KLGJ, SPAK, KLP e ILD trajtohen po nga familjarë të tyre
Një lajm i mirë ka dalë nga OMN, që garanton se duke filluar nga muaji janar 2020, procesi i “Veting” në drejtësi, do futet në fazën e “fshesës së hekurt”, për “pastrimin” e gjyqtarëve dhe prokurorëve “çakej”; të cilët me vendimet e tyre në favor të krimit, po shkallmojnë dhe bazat e para të drejtësisë së re.
Bëhet fjalë, për ata gjyqtarë e prokurorë, të mbetur ende brenda sistemit të drejtësisë, për shkak se prej 3 vitesh po spostojnë radhën e “Veting”, nëpërmjet fuqisë së lidhjeve me politikën e bandën “Bungo-Qirko” brenda KPK.
Ndërkohë që disa pjesë nga “zinxhiri i zi” i drejtësisë së vjetër, kanë depërtuar dhe në drejtësinë e re; për shkak të lidhjeve me kupolën politike, që duhet pranuar se ka akoma jo thjesht ndikim… por diktat.
Për efekt të analizës vjetore “Veting-2020”; OMN-SHBA, në bashkëveprim me Prokurorinë e Përgjithshme, KLGJ e KLP, ka konstatuar, se ende nuk janë zhdukur lidhjet nepotike-familjare në sistemin dhe kupolën e drejtësisë.
Sipas “bilancit” të OMN, rezulton se në 90% të gjykatave e prokurorive, janë akoma në detyrë 83 “çeta” gjyqtarësh, prokurorësh e sekretaresh, me lidhje burrë-grua-kunetër; vjehërr-dhëndër-nuse, dajo-xhaxha e nipër-mbesa.
Këto grupe, rezultojnë se janë krijuar e lidhur prej 15-25 vitesh, me detyra, strukturë administrative dhe fije të forta e të shumta në botën politike e kriminale.
Nuk është rastësi, që në gjykata e prokurori të një rrethi, punojnë bashkëshortë, kunetër, prindër e fëmijë e po kështu nëpër rrethe apo nga një rreth në tjetrin, madje dhe në institucionet drejtësisë së re; kjo e konfirmuar nga deklarimet e tyre pasurore.
Sipas të dhënave të konfirmuara nga burime brenda KLP, të tilla lidhje ka në 83 raste; ende prezente brenda sistemit të drejtësisë, për shkak se nuk kanë kalur në proces “Veting”, megjithëse 35 prej këtyre “familjeve” gjyqtarë e prokurorë, kanë qenë qysh në shortet e viteve 2018-2019.
Çudi tjetër e konstatuar nga OMN, është fakti se në 42 raste psh.,, ka kaluar në proces “Veting”-u burri prokuror apo gjyqtar; është shkarkuar për pasuri të paligjshme, të krijuar me korrupsion dhe lidhje krimi, por prej 1 e 2 vitesh nuk po kalon në “Veting” gruaja e anasjelltas; kur ligji e ka efektin domino: Nëse njeri del me “njollë”, rrëzon dhe bashkëshortin/en.
Në këtë skedë të OMN, nuk janë futur lidhjet bashkëshortore apo familjare të prokurorëve e gjyqtarëve, me avokatë, ekspertë, noterë etj.; të cilët, siç dihet, deri sot vazhdojnë të veprojnë si banda me cikël të mbyllur, që nuk bëjnë drejtësi por pazare./Pamfleti
