Në ditën e pestë është bërë ceremonia e ndarjes se çmimeve për letërsin për fëmijë, përkthime dhe vepër kapitale. Çmimin për romanin më të mirë e ka marrë shkrimtari nga Shqipëria Namik Dokle me romanin “Kolerë në kohë të dashurisë” ndërsa autori i vitit është përzgjedhur Shkumbin Gashi.
Ambasadori i Shqiperisë në Prishtinë Qemajl Minxhozi është ftuar nga Shoqata e Botuesve të Kosovës për ndarjen e çmimit për romanin më të mirë të ndarë për shkrimtarin Namik Dokle.
Minxhozi e cilësoi Doklen si një personalitet të sferave të gjithëanshme dhe një kontribues të demokracisë në Shqipëri. Ai tha se në udhëtimin e tij ka 25 vepra, në mesin e tyre disa drama që janë prezentuar në skenë në Kosovë dhe Shqiperi.
Ndërsa Namik Dokle këtë çmim ja dedikoj poetëve të pushkatuar dhe të vrarë.
“Romanin të cilin u nderova u kushtohet poetëve të pushkatuar dhe të vrarë por edhe atyre të vrarë shpirtërisht”. u shpreh Dokle.
Në panair morën pjesë 100 botues nga Shqipëria, Kosova, Maqedonia e Veriut dhe Diaspora me rreth 2000 tituj të rinjë.
