Politike17 Maj 2022, 12:17

“Në Tiranë të çojnë në SPAK për një WC”, Rama shpërthen në akuza: Disa gjyqtarë KÇK po mbajnë peng procesin e rindërtimit! 

Shkruar nga Pamfleti
“Në Tiranë të çojnë në SPAK për

Kryeministri Edi Rama

Kryeministri Edi Rama ka shenjëstruar sot sërish prokurorët dhe gjyqtarët e korruptuar për ngecjen e procesit të rindërtimit në disa zona në vend.

Rama u shpreh se disa prej tyre kanë marrë peng disa procese duke dhënë vendime absurde pasi e dinë se janë të krimbur dhe nuk do e kalojnë dot kurrë vettingun.

“Nëse sot ne kemi akoma probleme me rindërtimin të afateve janë probleme të lidhura me leshin dhe linë që bënë ata që ishin në detyrë më parë dhe bënë çorapin më të madh të pronave dhe krijuan llumin më të madh në sistemin e drejtësisë me gjykata dhe prokurorë që marrin peng komunitete.

Njëri ka marrë peng vazhdimin e punës në Laç. Për një person. Gjykatësi i jep sigurimin e padisë njërit që ka një dyqan. Ne nuk ndërhyjmë dot. Ky është sistemi që kemi zgjedhur ne.Ky gjykatësi ka fjalën e fundit. Si ndodh në Kombinat. Prandaj ne ndërkohë që te 5 Maji kemi ecur në Kombinat kemi ecur më avash se duhet të presim vendimin e gjykatave.

Ti merr përsipër të rindërtosh shkollën simbol të arsimit në Tiranë për ta bërë shkollën simbol të rindërtimit. Të çojnë në SPAK për një VC. Duhet të presësh që të bëhen procedurat dhe historia. Këto janë pengesa të natyrës objektive.

Aty ku nuk kishim gjëra të tilla njerëzit janë futur nëpër shtëpia. Na ndodhi edhe këtu në fillim. Një që pretendon kap ça të kapësh. Njerëzit duhet ta kuptojnë pse ndodh.

Procesi i rindërtimit ka ecur paralele me një proces të tërë falsifikimesh, korruptimesh të gjykatësve KÇK që janë të krimbur dhe e dinë që nuk do e kalojnë vettingun. Ne nuk i ndahemi kësaj pune deri kur familja e fundit të marrë shtëpinë”, u shpreh Rama.

Politike #Rama #SPAK #Gjyqtarët KÇK