Dy aleatët e Partisë Demokratike, Fatmir Mediu dhe Dashamir Shehi kanë zgjedhur të mos marrin anë në përplasjen e radhës mes Bashës dhe Berishës, për zgjedhjet e pjesshme të 6 marsit.
“Për çfarë duhemi në kur s’ka bashkëpunim në opozitë? Nëse duan të plotësojnë kolorin e aleancës, ne rrimë në shtëpi.”- tha Mediu. Ndërkohë në një intervistë për News 24, Dashamir Shehi deklaroi se: “Nëse këta duan të asgjësojnë njeri-tjetrin të vazhdojnë.”.
Kreu i PR-së dhe ai i LZHK-së thonë se opozita duhet të dalë në zgjedhje vetëm një kandidat, të mbështetur nga të gjitha palët.“Në zgjedhje duhet te dalim me një kandidat”, tha Mediu, duke shtuar se precedenti me disa kandidatë është i rrezikshëm edhe për të ardhmen e opozitës.
Ndërkaq, sipas Shehit nëse PD nuk del me një kandidat, do ia bej peshqesh të gjitha bashkitë Ramës.
Pyetjes, nëse dekretimi i 6 marsit si ditë zgjedhjesh të pjesshme, nga Presidenti Meta, është një sulm ndaj Lulzim Bashës, Mediu e Shehi përgjigjen: Nuk mund të supozoj se kush ka qenë qëllimi i zotit Meta. Po duhet të dimë të mbajmë qëndrim politik.”- u shpreh Mediu.
Shehi u tregua më kategorik në qëndrimin e tij, kur tha se: “Mbroj institucionin e presidentit, jo Ilir Metën. Ai është njëherë me Bashën, njëherë me Ramën. S’do i bëja komentet atij. Ka zbatuar rregullat e shtetit, ne kemi detyrë që të hyjmë në zgjedhje.”.
