Shkruar nga Pamfleti
Hera e fundit kur është ndërhyrë në Kompleksin e Jasharëve, nuk kishte qenë nga institucionet e Kosovës, por këtë e kishte bërë një donator nga Turqia, i cili në mënyrë vullnetare kishte investuar për ta rregulluar kompleksin e familjes Jashari. ”Mos u merrni me fjalë, por me vepra, sepse ky proces është duke mos përfunduar. Ky proces po rikthehet në piken zero nga ndërrimi i qeverive”, ka thënë Bekim Jashari
“Dashtë Zoti që në vitin 2023 të fillojnë punimet në Kullat e Jasharëve”.
Këto janë fjalët plot pesimizëm të Bekim Jasharit, të birit të heroit kombëtar Hamëz Jashari, kur pyetet për mundësinë e renovimit dhe konservimit të Kullave të familjes së tij, që i dhanë të gjitha për Kosovën.
Sipas Bekim Jasharit, hera e fundit kur është intervenuar në Kompleksin e Jasharëve, nuk kishte qenë nga institucionet e Kosovës, por këtë e kishte bërë një donator nga Turqia, i cili në mënyrë vullnetare kishte investuar për ta rregulluar kompleksin e familjes Jashari.
”Mos të merri me fjalë, por me vepra, sepse ky proces është duke mospërfunduar. Ky proces po rikthehet në piken zero nga ndërrimi i qeverive”, ka thënë Bekim Jashari për Portalin Dukagjini, transmeton Pamfleti.
“Po shpresoj që ky komitet ndërministror që ta marrë shumë seriozisht, dhe të vazhdojnë me punët, të cilat janë të domosdoshëm për ruajtjen e Kullave, se përndryshe mund të pendohemi nesër, dhe do të na gjykojnë brezat e ardhshëm”, ka përfunduar Jashari.
Edhe drejtori i Agjencisë për Menaxhimin e Komplekseve Memoriale, Bislim Zogaj, nuk ka dhënë shpresa se punimet mund të fillojnë para pranverës së vitit 2023.
Ai ka bërë të ditur se komuniteti ndërministror e kishte caktuar një komision të ekspertëve për ekzaminimin e gjendjes së Kullave, të cilët kanë pasur edhe për detyrë hartimin e detyrës projektuese për konservimin dhe renovimin e Kullave të Jasharëve.
Zogaj ka thënë se kompleksit të Jasharëve duhet t’i ruhet identiteti i tyre, në mënyrë që sa më mirë ta përfaqësojnë historinë e lavdishme të tyre dhe të sakrificës për liri.
“Ky projekt është realizuar në atë formë që të ruhet autenticiteti duke i shikuar videot, fotografit, rrëfimet etj”, ka thënë ai për Portalin Dukagjini.
Po ashtu, ai ka theksuar se në këtë projekt nuk përfshihen vetëm kullat e Jasharëve, por i gjithë kompleksi, dhe kjo sipas tij, e bënë këtë projekt gjigand.
“Ky komision ka kërkuar kohë që deri në fund të dhjetorit të viti 2022 që ta kryejnë detyrën projektues, por ata kanë premtuar së këtë projekt do ta sjellin deri në fund të qershorit pasi e kanë intensifikuar punë e tyre në ketë projekt”, ka treguar Zogaj.
Tutje, ai i ka sçaruar procedurat sesi do të vlerësohet detyra projektuese. Sipas tij, ajo “do të kalojë në procedurat e tenderimit e më pastaj do të përzgjidhet kompania, e cila do ta kryejë punën në bazë të detyrës projektuese”.
Kjo detyrë projektuese do të prezantohet te komuniteti ndërministror me dy korrik të vitit 2022, dhe nëse e merr miratimin punimet ka të ngjarë që do të procedohen në pranverën e vitit 2023, transmeton Pamfleti.
