Aktualitet 1 Korrik 2022, 17:11

Negociatat/ Propozimi francez shkakton përplasje në Shkup, opozita paralajmëron protesta

Shkruar nga Pamfleti

Kryetari i partisë opozitare në Maqedoninë e Veriut, Hristijan Mickoski e ka cilësuar propozimin francez si të papranueshëm duke shtuar se cenon identitetin  maqedonas, duke e hedhur poshtë.

Edhe pse kryeministri i Maqedonisë së Veriut Dimitar Kovacevski shprehu mirënjohjen kundrejt liderit francez, Emanuel Macron si dhe u shpreh se propozimi i tij do të konsiderohej, duket se ka hasur kundërshtimin e opozitës.

Kreu i VMRO-DPMNE-së e hodhi poshtë propozimin francez duke thënë se ai i jep të drejtën Bullgarisë të ndryshojë librat e historisë në vend dhe bënë që gjuha maqedonase të njihet se dialekt i gjuhës bullgare.

Sipas tij propozim është ultimatum për të ardhmen e Maqedonisë. Propozim sipas tij përmban të gjitha kërkesat e bullgarëve dhe është po i njëjti draft si ai që u refuzua pak dite me pare. Për një propozim të tillë Mickoski, u.shpreh se përgjigja është “Jo falemnderit, dhe ftoi në protestë të gjithë qytetarët nesër para qeverisë.

“Propozimi që është në tavolinë dhe të cilin qeveria e fshehu dhe deri tek i cili erdhëm ne nëpërmjet kanaleve tona gjegjësisht është i njëjti i cili një herë ishte refuzuar. Me keqardhje duhet të konstatoj se ky propozim i përmban të gjitha kërkesat bullgare, edhe në pjesën e historisë, edhe në pjesën e gjuhës, edhe në pjesën e identitetit. Pranimi i këtij propozimi nënkupton e drejtë e plotë e Bullgarisë të ndryshojë libra dhe t’i shkruajmë sipas diktatit bullgar dhe fëmijët tanë në fillore të mësojnë siç dikton Bullgaria ose nuk ka të ardhme evropiane. Pranim se Goce Dellçev, Dame Gruev, Jane Sandanski dhe heronjtë e revolucionarët e tjerë kanë qenë bullgarë, se gjuha maqedonase është dialekt i bullgarishtes”, përfundoi ai.

Shkupi #Ngërçi #Maqedonia Bullgari