Nën lotët e motrave të saj, Hamide Magashi, 35-vjeçare është varrosur të premten në varrezat e fshatit Llugaxhi të Lipjanit.
Në ceremoninë e varrimit mori pjesë edhe ministrja e Drejtësisë, Albulena Haxhiut si dhe kryetari i Lipjanit, Imri Ahmeti.
Magashi dyshohet të jetë vrarë nga ish-burri i saj, Sokol Halili, i cili është akoma i arratisur.
Magashi ishte shtatzënë, operacionin e kishte planifikuar për datën 1 dhjetor. Por më 30 nëntor në oborrin e QKUK-së e takoi ish-burrin e saj që sipas motrave të së ndjerës po e priste për ta vrarë.
E goditi me plumb në kokë dhe u largua – për ta vrarë 35-vjeçaren dhe fëmijën që ishte gati të vinte në jetë.
Ajo që është mësuar deri më tani tregon një dështim të aparatit shtetëror. Tashmë e ndjera ishte ankuar disa herë në Polici si dhe Sokol Halili kishte aktakuzë për kanosje dhe armëmbajtje pa leje.
Përkundër kësaj, drejtësia e kishte lënë të lirë dhe akoma vazhdon të jetë.
Policia e Kosovës ka nga qytetarët që të ndihmojnë me informacione për lokacionin e të kërkuarit për krimin e rëndë.
