Eri Aga, i njohur si konkurenti i ‘sherreve’ në Përputhen së fundmi ishte i ftuar në emisionin ‘Glamour Zone’, ku për herë të parë ka zbuluar disa nga momentet më të vështira të jetës së tij.
Në moshën 18-vjeçare ai pati një debat me familjen dhe iku nga shtëpia, pa asnjë lek në xhep. Ashtu siç shpjegon edhe Eri, ajo ka qenë periudha më e keqe e jetës së tij, sepse nuk fliste me familjarët.
Ester Bylyku: A të kanë arrestuar ndonjëherë?
Eri Aga: Po, ka qenë gjatë periudhës që të fola. Isha në një dyqan për të bërë një rimbushje telefonike. Më lanë në radhë kot dhe vazhdonin bënin muhabet. Unë atëherë isha nervoz dhe s’më interesonte asgjë. Pas një debati me punonjësin, i theva kompjuterin në kokë. Më denoncoi dhe me arrestuan por burg nuk bëra, sepse u tërhoq denoncimi.
Ai gjithashtu zbuloi pse vendosi që të demaskojë Ledianën pas daljes së tij.
Ester Bylyku: Ti me Ledianën ke dalë dhe më vonë vendose ta demaskosh përpara të gjithë shqiptarëve, më thuaj a i ka hije kjo një xhentëllmeni?
Eri Aga: Jo, nuk i ka por duhet të dish historinë. Unë jam treguar i sinqertë me të që në fillim. Përpara xhirimeve ajo vinte me mua në makinë, dhe e pyesja: A ke ndjenja për Mevlanin? Më thoshte ‘jo’.
Më tha se as nuk e pëlqente. M’u betua për familjen dhe për kokë të vëllait. Në fund kërcen me të, vetëm për të bërë famë dhe për followersa.
