Avokati i njohur, Spartak Ngjela, ka bërë një rrëfim ndryshe në një studio televizive. Ai ka folur për jetën e tij. Ngjela është parë shpesh që bën komente ndaj personazheve VIP në rrjetet sociale.
Një koment i tij për moderatoren Bora Zemani ku ai shprehu simpatinë, pak kohë më parë bëri xhiron e rrjetit. I pyetur mbi komentet, avokati vlerësoi bukurinë e moderatores.
“Po të ishte ndjerë keq Bora Zemani, do më vinte dhe mua në vështirësi, por ajo tha ishte shumë koment i bukur. Ishte një kompliment normal dhe nuk ishte gënjeshtër, ajo ka pushtuar gjithë mediat me nivelin e saj aktorial, me bukurinë dhe elegancën e saj”, tha ai.
Më tej ai ka folur dhe për karrierën e tij si avokat. Ngjela ka treguar se ka pasur disa raste të bujshme, si rasti i gjyqit të Azem Hajdrit apo i arrestimit të gazetarëve Frangaj dhe Lesi.
“Kanë qenë 3-4 çështje, i pari ka qenë gjyqi i Azem Hajdarit, donin ta fusnin në burg partia e tij. Kam marrë pafajësinë e Nikoll Lesit e Aleksandër Frangaj, i arrestoi Saliu, ishte president në atë kohë. Gjykatat ishin të tyre, të PD-së ,ndërkohë unë u merrja pafajësinë. Pavarësisht ata nuk ndërhynë në këtë çështje, as Saliu dhe asnjë nga partia. Aleksandër Frangaj akuzohej për shpifje”, u shpreh avokati, Spartak Ngjela.
