Shkruar nga Pamfleti
Ish-kryeministri Nikolla Gruevski i Maqedonisë së Veriut është shpallur fajtor për rastin TNT-së, duke u dënuar me 9 vite të tjera heqje lirie.
Megjithëse, aktualisht ndodhet në një azil në Hungari, ndaj Gruevskit rëndojnë mbi 19 vite burg. Dënimi me 9 vite burg shtesë lidhet me shembjen e paligjshme të një objekti biznesi që ishte investim disa milionësh vetëm për shkak të kundërshtimeve politike.
Po ashtu, edhe ish-ministri Mile Janakieski u shpall fajtor dhe u dënua me 3 vjet burg. Ky është dënimi i gjashtë me burg për Gruevskin dhe Janakieskin.
I dënuari tjetër në këtë rast është ish-kreu i Komunës së Gazi Babës, Toni Trajkovski si dhe e punësuara në komunë si inspektore e ndërtimit, të cilët u dënuan me nga 4 vjet burg.
Të gjithë të dënuarit do të duhet t’i paguajnë së bashku dëmshpërblimin prej 11 milionë eurosh biznesmenit Fijat Canovski objekti i të cilit u shemb.
