Një nga figurat kryesore të Rusisë, i quajtur ndryshe dhe si “Truri i Putinit” ka bërë thirrje për rrëzimin e Presidentit Vladimir Putin dhe ka lënë të kuptohet se ai madje mund të vritet, pas disfatës poshtëruese të Moskës në Kherson.
Nacionalisti i ekstremit të djathtë, Alexander Dugin është bërë i pari prej rrethit të afërt të Kremlinit që thyen heshtjen mbi pakënaqësinë në rritje ndaj pushtimit të dështuar të Putinit në Ukrainë.
Strategu fashist 60-vjeçar mendohet të jetë pjesë e një grupi në rritje të elitës së Moskës, që kërkon që Putini të përshkallëzojë luftën në Ukrainë dhe e sheh Kherson si një goditje masive për krenarinë ruse.
Menjëherë pasi ai postoi shpërthimin e tij në Telegram, i zemëruar për tërheqjen e Khersonit dhe frikën e shumë rusë të vrarë atje, tirada e tij kundër Putinit u fshi në mënyrë misterioze.
Postimi i tij kishte lidhje me citimin e një historie nga libri “Dega e Artë” nga “James Frazer”, në të cilën vritet një mbret. Arsyeja përse mbreti u vra në historinë e trilluar është sepse nuk arriti të sillte shi gjatë një thatësire dhe për këtë populli i çau barkun.
Ky postim i bërë nga ai është parë si një paralelizëm me premtimin e Putinit për “Operacionin Special” i cili duket se po dështon. Kryesorja është parë si një kërcënim i drejtpërdrejtë për vrasjen e presidentit rus.
Në fjalën e tij të zemëruar, Dugin shkroi: “Ne i japim sundimtarit pushtetin absolut dhe ai na shpëton të gjithëve, shtetin, qytetarët, njerëzit në një moment kritik. Por nëse ai e rrethon veten me m*t dhe pështynë drejtësinë sociale, kjo nuk është një gjë e mirë. E në qoftë se për shkak të kësaj nuk shpëtohemi, pastaj atë e pret fati i “mbretit të shirave”, raporton Mirror.
Dugin, duke folur për situatën në Ukrainë, shkroi se çdo “rus i vërtetë” tani duhet të pikëllohet dhe “të shtrëngojë dhëmbët nga dhimbja” për shkak të situatës aktuale. Ai vazhdoi të shpjegoi se Rusia “e ka dorëzuar Kherson” dhe se nëse civilët nuk janë të mërzitur për Kherson “ata nuk janë rusë”.
Në mënyrë shqetësuese, Dugin, së bashku me ultra-nacionalistët e tjerë, ishte thjesht i mërzitur për dështimet e Rusisë në Ukrainë dhe jo për mizoritë e Rusisë. Ajo vjen ndërsa një përçarje në rritje po zhvillohet midis figurave ushtarake që fajësojnë Putinin për pushtimin e dështuar, civilët të mërzitur për numrin e vdekjeve të trupave ruse dhe të vijës së ashpër.
Dugin ishte një nga përkrahësit kryesorë të pushtimit të Ukrainës, duke kërkuar zgjerimin e territorit rus në Krime, pastaj në pjesën tjetër të Ukrainës dhe më gjerë në shtetet baltike.
