Të gjithë kryeministrat bullgarë, madje edhe Kiril Petkov, e kanë vizituar Shkupin, e të parët që kanë takuar kanë qenë përfaqësuesit e partive shqiptare: Ali Ahmetin dhe Zijadin Selën. Të cilëve u kanë shpjeguar që s’kanë asgjë me shqiptarët, përkundrazi, por duan nga krerët e partive maqedonase që të jenë të qartë për përkatësinë e tyre etnike.
Bullgaria vërtetë i ka bezdisur të gjithë në lidhje me veton ndaj Maqedonisë së Veriut. Por realisht, bëhet fjalë për një qëndrim real kombëtar që duhet kuptuar përpara se ta sulmosh.
Bullgaria konteston Maqedoninë e Veriut, pasi kjo e fundit edhe pse e konsideron vetem një ngjizje e kombit “maqedonas”, gjuhën dhe alfabetin e ka cirilik. Madje Maqedonia e Veriut e quan veten si vendi ku u shpik alfabeti cirilik që është sot baza e gjuhës së miliarda njerëzve që flasin gjuhët sllave. Pasi në fund të shekullit të pare, rreth vitit 85 pas Krishtit, Cirili dhe Metodi, dy murgj të manastirit të Ohrit shpikën alfabetin sllav.
Në atë kohë Ballkani ishte nën sundimin bullgar, madje mbreti i tyre Borisi u kurorëzua në Ballsh- atëherë Bylis. I gjithë eposi bullgar, rilindja e tij konsiderohen nga nacionalistët maqedonas si të sajat. Goce Dellçev, një Abdyl Frashër maqedonas, konsiderohet nga të dy vendet si i tyre.
Gjuha që flasin maqedonasit është bullgarisht e pastër. Jemi në rastin sikur ne me Kosovën të kishim përplasje ose inate mes palëve se kush është më shqiptar se tjetri. Gjë që e kemi, por fakt është, se ndryshe nga përplasjet mes Sofjes dhe Shkupit, Tirana dhe Prishtina kanë përplasje krahinore, pra secila palë kërkon që të promovojë më shumë heronjtë e vet. E kjo është krejt ndryshe nga sherri bullgaro- maqedon. Megjithatë sherri Shkup- Sofje ngjan me inatet tona në Prishtinë e Tiranë që nuk i kemi të pakta.
Sofja zytare, jo sot por historikisht, nuk ka pasur kundërshtarë shqiptarët, përkundrazi. Bullgaria është ndër vendet e para që ka njohur pavarësinë e Shqipërisë dhe vendi i pestë në botë që ka njohur shtetin e Kosovës.
Sofja mund ta ekzagjerojë në veton e saj ndaj Shkupit, por në fund ka një arsye. Nuk e bëri për NATO-n për të treguar një besnikëri me aleancën perëndimore, por po e bën me Bashkimin Europian. Të gjithë kryeministrat bullgarë, madje edhe Kiril Petkov, e kanë vizituar Shkupin, e të parët që kanë takuar kanë qenë përfaqëasuesit e partive shqiptare: Ali Ahmetin dhe Zijadin Selën. Të cilëve u kanë shpjeguar që s’kanë asgjë me shqiptarët, përkundrazi, por duan nga krerët e partive maqedonase që të jenë të qartë për përkatësinë e tyre etnike.
Çfarë ka ndodhur në botëkuptimin e klasës politike të Shkupit? Ata, ndryshe nga shqiptarët e Jugosllavisë e kanë të mbushur mendjen për të gjithë trashëgiminë e historisë që nuk kanë lidhje me bullgarët. Edhe pse flasin të njëjtën gjuhë. Madje aq larg shkoi ky botëkuptim me Gruevskin, i cili e quan si baba të kombit edhe Car Dushanin që krijoi Mbretërinë Serbe edhe Filipin e II edhe Aleksandrin e Maqedonisë, që s’kishin lidhje me gjuhën bullgare.
Natyrisht, Maqedonia është një shtet që është mbajtur në këmbë në fillim si tampon e më pas si një aleat strategjik i SHBA. Por bullgarët thjesht duan nga politikanët maqedonas që të kenë respekt për shtetin amë. Siç edhe politianët e Tiranës do ta bënin nëse kolegët e tyre të Prishtinës do t’i binin hasha Shqipërisë… Madje politikanët maqedonas është më mirë të jenë me Bullgarinë se me Serbinë e Turqinë!/Pamfleti
