Aktualitet 5 Dhjetor 2022, 21:58

Një qen i rrahur vjen në Tiranë

Shkruar nga Pamfleti

Telefonata nga dy a tre dinosaurë europiane në mënyrë urdhërore i mbyllën gojën dhe e detyruan Vuçiçin në datën 5 dhjetor të shpallte se do të merrte pjesë në samitin e Tiranës…

Shkruan Shaban Murati

Një qen i rrahur vjen që të gjejë një karrige në samitin e Tiranës. Është një qen, i cili mban qaforen e presidentit të Serbisë, dhe i cili lëpiu me shpejtësi llumin, që pështyu kundër BE-së me një fjalor rruge në 1 dhjetor.

Presidenti serb u mburravec se ai guxonte të shante dhe ta dënonte BE-në me refuzimin e tij për të marrë pjesë në samitin e Tiranës. Por presidenti i gjatë dhe mendjeshkurtër i Beogradit harroi që shtetet më të fuqishme të Europës, kur është fjala për sedrën e tyre të madhe prej fuqie globale, i përdorin burgitë e detyrimit, me të cilat ia shtrënguan qafën presidentit të vogël mburravec.

Burime nga  Brukseli bëjnë të ditur se telefonata nga dy a tre dinosaurë europiane në mënyrë urdhërore i mbyllën gojën dhe e detyruan Vuçiçin në datën 5 dhjetor të shpallte se do të merrte pjesë në samitin e Tiranës.

Natyrisht vjen si qen i rrahur. Ja autoportreti i bërë nga vetë presidenti serb në datën 5 dhjetor, kur i detyruar dhe i turpëruar njoftoi se kishte ndërruar pllakën e refuzimit dhe do të shkonte në samitin e Tiranës: ”Disa herë emocionet e mbysin njeriun. Unë nuk jam, siç mendojnë shumë vetë, i çmendur, i pirë ose i lojtur dhe unë nuk jam krejtësisht budalla”. (“rs.n1info.com”, 5.12.2022)

Është autoportreti i një qeni të rrahur, të cilin e kapën nga qaforja dhe e sollën nga Beogradi në Tiranë.

Forum Murati qen i rrahur Vucic