Politike20 Maj 2022, 00:34

Një vit nga damka amerikane, Berisha paralajmëron "armikun": Kur PD të vijë në pushtet, do e shpallim George Sorosin "non-grata"!

Shkruar nga Pamfleti
Një vit nga damka amerikane, Berisha paralajmëron "armikun":

Një vit nga damka amerikane, Berisha paralajmëron "armikun": Kur PD të vijë në pushtet, do e shpallim George Sorosin "non-grata"!

Në 1-vjetorin e shpalljes “non grata”, Sali Berisha ka vetëm një mesazh për armikun e tij më të egër të të gjitha kohërave, George Soros: Kur PD të vijë në pushtet, multimiliarderi do të shpallet non-grata.

Gjatë një takimi elektoral me militantët e Korçës, Berisha nuk ka shfaqur aspak shenja refleksioni. Përkundrazi, çdo ditë e më shumë rrit dozën e helmit tek ata pak demokratë që iu ka hedhur “trutë e gomarit” për t’i lidhur pas vetes, dhe katandisur PD-në në një rrumpallë që smerret vesh ku e ka fundin.

Sipas Berishës, filantropi Soros – veçse burimi i të gjitha fatkeqësive të tij – është edhe armik i demokracisë në Shqipëri dhe njëkohësisht një person i angazhuar fuqimisht në shkëmbimin e territoreve mes Kosovës dhe Serbisë.

Po ashtu, Berisha ka zbuluar kërkesën që i ka bërë për Parlamentit Europian dhe Kongresit Amerikan: të ndalohet çdo veprimtari politike të Soros jashtë SHBA-së.

“Po të garantoj që nga aktet e para të PD-së në pushtet do të jetë George Soros non-grata. George Soros, me rivendosjen e monizmit në shoqërinë civile në Shqipëri, me vendosjen e drejtësisë me reformën e tij në kontrollin e qeverisë, me implikimin e tij direkt në shkëmbimin e territoreve midis Serbisë dhe Kosovës dhe projekte të tjera, është një armik i vërtetë i demokracisë shqiptare. Kam kërkuar nga Parlamenti Europian dhe Kongresi i SHBA-së, të ndalojë çdo veprimtari politike të tij jashtë SHBA-së. Për Shqipëri, ai nuk do të ketë më vend, dhe nuk do ushtrohet aktiviteti i tij në Shqipëri” – tha Berisha.

Politike Berisha PD