Me vetëm 8 muaj jetë, prindërit e Daniel Neves morën një lajm të trishtuar nga mjekët që ndryshoi jetën e tyre për gjithmonë. I biri kishte një sëmundje të rrallë të veshkave, që i ndaloi të kalonin shumë kohë bashkë, pasi vogëlushi kaloi të gjithë jetën e tij në spitalet e Salvadorit në Brazil.
Sot, në moshën 13 vjeçare, Daniel tregoi se jo vetëm ka forcën për të luftuar për jetën, por edhe një talent të madh: pikturën. Pasi kaloi kohë të gjata në spital, djali zhvilloi talentin e pikturimit. Më shumë se çdo gjë, atij i pëlqen të pikturojë shenjtorë.
Lindur në një familje të thjesht, trajtimet që Danieli duhet të bëjë për të mbajtur stabilitetin fizik, janë ekstrem të kushtueshme dhe tërësisht të financuara nga prindërit e tij.
Duke qenë se jetojnë në Bahia, një pjesë e trajtimeve bëhen në San Paolo, që dotë thotë se familja ka shpenzime ekstra për transportin dhe qëndrimin. Qeveria ndihmon vetëm me biletat vajtje ardhje për në San Paolo, por të gjitha shpenzimet e tjera, janë në kurriz të tyre.
Piktura më ekspresive e artistit të vogël quhet “Nossa Senhora dos Rins” dhe tregon dëshirën e tij për t’u shëruar dhe besimin që ka. Djaloshi ka nevojë urgjente për transplant veshkash dhe ka nevojë t’i nënshtrohet hemodializës tri herë në javë, për të garantuar funksionimin normal të veshkave. Tani do të shtrohet në një spital në Tailandë, ku do i nënshtrohet një procedure që do t’i lejojë të ecë më lirshëm, përveçse t’i shtojë jetën.
Në rrjetet sociale, Daniel ndan shumë prej rezultateve të tij dhe bën apele të forta, sidomos kur është i shtruar në spital ose ka nevojë për ndihmë urgjente. Është e dukshme që djaloshi është shumë i lumtur që jeton dhe ndërkohë, mbështetet plotësisht nga e ëma që është e gatshme t’i përmbushë të gjithë nevojat. /Përshtati: A.H
