Shkruar nga PamfletiNëse sot keni hasur me një postim të Argjentina Ramosajt në Instagram me siguri që ndërmend ju ka ardhur një kompliment për gruan që e shoqëron.
Kur e sheh nuk e beson ama Argjentina në këtë foto është me mamanë e saj, Suzana Mushkolaj.
“Gëzuar ditëlindjen mamit tim të bukur! Jam shumë me fat të të kem në jetën time, shoqja ime më e mirë, gruaja që kam shembull dhe nga e cila kam mësuar shumë. Edhe një vit tjetër ke qenë e mahnitshme. Të duam shumë!”- shkruan këngëtarja.
Sot Suzana bën plot 50 vjeç dhe tingëllon aq çuditshëm pasi koha dhe vitet nuk kanë lënë gjurmë në imazhin e kësaj gruaje. E njohur si fotografe e stiliste por edhe si nëna e këngëtares Argjentina Ramosaj, tashmë gjyshja e një nipi, Suzana Mushkolaj mund të konkurrojë fuqishëm të gjitha 20-vjeçaret që shihni përreth. Ndoshta edhe profesioni i saj ka bërë që Suzana ta shohë dhe vlerësojë të bukurën. Nëse do i hidhni një sy Instagram-it të saj do të vëreni se Suzana përpiqet që gjatë gjithë kohës të jetë në formë. Për këtë e ndihmojnë shumë fiziku i mirë dhe tiparet e bukura të një gruaje mesdhetare. Flokët e gjatë të derdhur dhe të zinj, tiparet e errëta dhe syri i madh, buzë të plota, shtatlartë në trup dhe me belin e hollë a mund të kërkojë më shumë? E nëse gjithë këtyre u shton edhe shijen e mirë në kombinimin e veshjeve sigurisht që askush nuk mund ta besojë fillimisht se mamaja e Argjentinës sapo ka festuar 50-vjetorin.
Ajo që të bën përshtypje është se pavarësisht se ka statusin e gjyshes(le ta pranojmë se të gjithë kur themi gjyshe mendojmë një grua zemërmirë të mbuluar nga thinjat), Suzana jo vetëm që është shumë larg këtij krahasimi por ngjan si një moshatare e së bijës.
