Kryeministri Edi Rama ka komentuar edhe njëherë çështjen e shumëpërfolur të patronazhistëve. Në përgjigje të akuzave të shumta se patronazhistët cenojnë privatësinë, Rama deklaroi se këtë praktikë nuk e shpiku PS-ja, por ndiqet nga të gjitha partitë në botë.
“Kjo është pjesa më qesharake sipas meje. Janë një praktikë e gjithë partive në botë, qoftë republikane qoftë demokrate. Nuk është shpikje e jona.
Ajo që ne bëjmë është që përpiqemi që të kemi një makineri elektorale të një prekje nga afër të gjithë zgjedhëzve.
Këtu ne i quajmë patronazhistë, por në vende të ndryshme kanë emra të ndryshëm.
Nuk kemi përdorur databaze me të dhëna shumë sensitive, por të krijuar vit pas viti. Është fakt që karta jonë e identitiet nuk ka të dhëna sensitive. Nuk eshtë një kartë që ka të dhëna mbi sigurimet shoqërore prsh, etj”, theksoi Rama për ‘Të paekspozuarit”, me Ylli Rakipin.
Më tej, kreu i qeverisë zbuloi se databaze e patronazhistëve, e dalë nga qeveria, u hakua nga hakerët, iu shtuan element të tjerë, dhe filloi të qarkullonte në media.
‘Është gjeja më e denjë, që mund të bënit ju, të shkonit në organet e hetimit, të dorëzonit atë bazën e të dhënave që keni përdorur dhe duket kollaj fare nëse kanë bërë ndërhyrje. Janë shtuar shumë gjëra aty, mesa kam parë. Databaza jonë është hakeruar.
Çojeni në organet e hetimit atë disk që keni përdorur. Nuk më intereson nga ka dalë por ajo që bëjmë në është praktikë ndërkombëtare.
Të dhënai i kemi mbledh në mënyrë vullnetare, s’kemi përdor të AKSHIT”, tha Rama.
