Vijojnë përplasjet në distancë midis Ilir Metës dhe kreut të Partisë Demokratike, Lulzim Basha.
I ftuar në ‘ Çim Peka Live’, Presidenti iu përgjigj deklaratave të Bashës se “Meta është në hall dhe hallin nuk ia zgjidhin dot demokratët”, duke shtuar se në hall është ai që bojkoton zgjedhjet dhe shpall humbjen fitore.
“Unë nuk kam asnjë hall dhe nëse unë ngelem në dorën e zotit Basha për të më zgjidhur ndonjë hall, apo të ndonjë tjetri, halli kurrë mos pastë mëshirë dhe keqardhje për Ilir Metën. Por dikush tjetër është në hall, zgjedh bojkotin, shfajësimin dhe ka zgjedhur gjithmonë të shpallë humbjen fitore”, tha Meta.
Kujtojmë se, më herët Meta akuzoi Bashën se nuk ka denjuar të regjistrohet në KQZ për zgjedhjet vendore të 13 tetorit 2019, për të cilat Presidenti me dakordësinë e kryedemokratit, shfuqizoi dekretin për 30 qershorin duke i zhvendosur ato në atë datë.
