KÇK para ikjes me pushime/ Deri në muajin shtator 2021, kjo drejtoreshë ka qenë deputete e PS dhe është e preferuar e kryeministrit Rama, prandaj sa herë denoncohet në media, deklaron se ka mbrojtjen e tij, gjë që e dëshmon dhe fakti, se SPAK nuk e thërret për 3 kallëzimet që ka në sirtar
Një skandal, objekt hetim për drejtësinë, është edhe mashtrimi i radhës që ka bërë Drejtoresha e Spitalit të Traumës, Edlira Bode, me tenderin e pastrimit me vlerë fondi limit 207 milionë lekë, ku duken qartë veprimet korruptive të saj.
Tenderi ka datën 28 korrik dhe duhej bërë brenda 24 orësh pa garë, si gjoja emergjencë pastrimi për spitalin, kur ky spital ka kontratë pastrimi deri në fund të vitit 2022, gjë që tregon se “emergjenca” paska qenë, vetëm për të vjedhur para ikjes së drejtoreshës me pushime.
Tenderi është pa shpallje publike në Buletinin e Prokurimeve, me negociim direkt të një firme private që do ta përzgjidhte drejtoresha Edlira Bode, por është anuluar, ngaqë mes palëve nuk është rënë dakord në pazar.
Është i vetmi rast, që anulohet një tender me procedurë negocimi, pa shpallje parapake e pa garë, mbasi me tenderë të tillë, ligjërisht veprohet kështu: I jepet firmës që ka kontratën në fuqi, ose kur kjo refuzon, i jepet një firme tjetër që e zgjedh vetëm drejtoresha.
Në rastin konkret, drejtoresha Edlira Bode, për shkak se ka kërkuar “thelë” të madhe ryshfeti, nuk ka rënë dakord as me firmën që vazhdon pastrimin në Spitalin e Traumës, as me 3 firmat e tjera që ajo kontaktoi.
Skandali thellohet më tepër, kur mëson se si shkak për anulimin e tenderit, drejtoresha “bejlereshë” e Spitalit të Traumës, Edlira Bode ka deklaruar se “ka gabime në dokumentet e tenderit”, duke iu referuar germës “g” të Pikës 1/Nenit 98 i ligjit për Prokurimet Publike.
Mirëpo ky nen i ligjit, nuk ka fare germën “g”, por drejtoresha Bode e Spitalit të Traumës, vazhdon të mashtrojë dhe në emër të ligjit, ndërkohë që gjatë 10 muajve në këtë detyrë, ka 3 kallëzime penale në SPAK për mashtrim, për klientelizëm, falsifikim dokumentesh e korrupsion me tenderët.
Kujtojmë faktin që deri në muajin shtator 2021, drejtoresha Bode ka qenë deputete e PS dhe është e preferuar e kryeministrit Rama, prandaj sa herë denoncohet në media, deklaron se ka mbrojtjen e tij, gjë që e dëshmon dhe fakti, se SPAK nuk e thërret për 3 kallëzimet që ka në sirtar./Pamfleti
