Simon Kjaer ishte heroi kryesor që i shpëtoi jetën Kristian Eriksenit, pas atakut kardiak, që ky i fundit pësoi në sfidën Danimarkë-Finlandë në Kampionatin Europian.
Në një intervistë për ‘’Corriere Della Sera’’, Kjaer shpjegoi rrjedhën e ngjarjeve se si arriti t’i shpëtonte jetën shokut të skuadrës, teksa theksoi se nuk dëshironte të quhej hero.
“Unë nuk jam hero. Unë thjesht bëra atë që duhet të bëja, pa u menduar. Fillimisht festa, pastaj heshtja. Ishte një ditë historike për të gjithë danezët, ndeshja e parë e Europianit që luhet në shtëpinë tonë. Pastaj ndodhi ajo që ndodhi. Unë qendrova i kthjellët, si të gjithë shokët e mi të skuadrës. Ishte një përpjekje ekipore, padyshim, që ne do të kishim bërë të njëjtën gjë nëse ai do të kishte qenë kundërshtar. Kjo është e gjitha. E vetmja gjë që ka rëndësi është se Kristiani është mirë tani. Vetëm kjo është e rëndësishme.
E bëra pa u menduar. Instinkti më udhëhoqi dhe bëra atë që duhej të bëja, automatikisht . Ishte hera e parë që më kishte ndodhur kjo, shpresoj se është edhe e fundit. Shpresoj se ky imazh ka krijuar ndërgjegjësim për këtë temë . Mjekët ishin shumë të mirë, ata ndërhynë menjëherë, por pa dyshim të dish se çfarë të bësh në kohë të caktuara është thelbësore. Mund të shpëtosh një jetë’’, tha Kjaer.
