Kriza politike ka përfshirë Malin e Zi, ndërsa qindra qytetar kanë dalë të protestojnë në rrugët kryesore vendit.
Mësohet se, zëvendëskryeministri dhe lideri i GP URA, Dritan Abazoviç është përplasur mbrëmjen e sotme me protestuesit të cilët e kanë quajtur atë tradhtar. Në kundërpërgjigje, Abazoviç u shpreh se ata duhet ta gjejnë tradhtarin diku tjetër pasi ai në jetë nuk ka tradhtuar asnjë njeri dhe kurrë nuk do ta bënte një gjë të tillë.
Vlen të theksohet se, Abazoviç ka ofruar tri zgjidhje për krizën në Podgoricë.
Ai është shprehur se një nga zgjidhjet është qeveria e pakicës, qeveri teknike dhe në rast të kundër alternativa tjetër është të shkohet në zgjedhje.
Sipas Abazoviç, askush nuk mund të ndikojë në koalicion me primitivizën dhe se vendimet do të merren në mënyrë autonome.
I pyetur se përse vendosi të kërkojë rrëzimin e qeverisë, ai tha se ishin realizuar tri interpelanca dhe se tre ministra janë emëruar pa autorizim. Po ashtu, me mosvotimin e Këshillit Prokurorial më 31 korrik, kjo- sipas tij- solli edhe në një krizë të madhe në Cetinje. Abazoviç deklaroi se personalisht është dakord me protestat, pasi mendon se qytetarët po luftojnë për të mbrojtur vullnetin elektoral.
Sipas tij, Milo Gjukanoviç së shpejti do të tërhiqet politikisht, ndërsa shtoi se hera e fundit që ka folur me të ishte në gusht të vitit të kaluar.
‘Gjukanoviç së shpejti do të tërhiqet politikisht. Le të tregojë koha nëse kam të drejtë apo jo’, ka thënë më tej Abazoviç.
