90 minutat e finales së Europa League mes Frankfurt dhe Rangers përfunduan në barazim 1-1.
Në Sevijlla, rastin e parë konkret e patën skocezët. Në minutën e 26, Aribo provoi me një goditje nga distanca, por nuk gjeti rrjetën.
Në minutën e 30, gjermanët treguan se ishin në lojë. Ishte pikërisht i zakonshmi Filip Kostiç që u tregua mjaft i rrezikshëm me lëvizjet e tij. Gjithsesi, tentativa e tij shkoi shumë larg shtyllës së djathtë.
Aribo zhbllokoi sfidën në minutat e para të pjesës së dytë. Futbollisti përfitoi pas një kthimi të topit të gabuar nga kundërshtarët, për të dërguar topin në rrjetë.
Ekipi i Glasner vendosi ekuilibrat me Borre, pas një pasimi të Kostiç.
