Reali i Madridit është skuadra fituese e Ligës së Kampionëve për edicionin 2021/2022. Skuadra spanjolle ka mposhtur me rezultatin minimal 0-1 anglezët e Liverpulit, në finalen e zhvilluar në stadiumin “Stade de France” të Parisit, duke fituar titullin e 14 në historinë e klubit.
Fillimi i ndeshjes ishte më i mirë për anglezët, pasi qarkulluan më shumë topin, teksa Sadio Mane vuri në vështirësi portierin Kurtua me gjuajtjen e tij, por spanjolli realizoi një pritje spektakolare.
Në minutat e fundit, Benzema arriti të përfitonte nga gabimet në mbrojtje të Liverpulit dhe realizoi golin e avantazhit. Por, goli u anulua nga sistemi VAR për pozicion jashtë loje të francezit.
Në minutën e 59, Vinisius shënoi golin e vetëm të ndeshjes që i dha fitoren Realit të Madridit.
Një meritë të veçantë në këtë fitore, pati edhe portieri Tribu Kurtua, i cili realizoi disa pritje fantastike në pjesën e dytë, pasi Liverpuli shtoi presionin pas pësimit të golit.
Ky është titulli i pestë i fituar nga madrilenët në 10 vitet e fundit. Ndërsa, trajneri Karlo Ançeloti është trajneri i parë që fiton 4 Liga të Kampionëve. Dy trofe italiani i ka fituar me Milanin dhe dy të tjera me Realin e Madridit.
