Pas rrëzimit të pretendimeve të opozitës nga Kolegji Gjyqësor Zgjedhor për pavlefshmërinë e zgjedhjeve në qarkun e Vlorës, ka reaguar përfaqësuesi i PD, Ivi Kaso.
Në një prononcim për media, Kaso thotë se këto vendime nuk e dekurajojnë PD dhe opozitën. Ai garanton se beteja do të vijojë për sa kohë të ketë një Gjykatë ku opozita të ankohet dhe misioni për transparencë mbetet i pandryshuar.
‘’Procesi zgjedhor duhet të çlirohet nga gjithë fenomenet negative. Detyrimi për transparencë vijon të jetë i pandryshuar, për sa kohë të kemi një Gjykatë për t’u ankuar, do i shkojmë deri në fund për të hedhur dritë mbi çdo lloj shkeljeje.’’, tha ai.
REAGIMI:
‘’Pati debat të gjatë për domosdoshmërinë e administrimit të provave, përpara dhe përgjatë. Me keqardhje them se është shans i humbur, por nuk dekurajohemi.
Çdolloj shkelje të ligjit e cila e ka influencuar dhe deformuar vullnetin e zgjedhësve. Është bërë e njohur që shqiptarët nuk votuan dot të lirë e të shpreheshin të lirë me votë.
Unë e kam thënë dhe më parë, detyrimin për transparencë e kemi jo vetëm për ata që na besuan. Procesi zgjedhor duhet të çlirohet nga gjithë fenomenet negative. Detyrimi për transparencë vijon të jetë i pandryshuar, për sa kohë të kemi një Gjykatë për t’u ankuar, do i shkojmë deri në fund për të hedhur dritë mbi çdo lloj shkeljeje. ‘’- tha Kaso.
