Moderatori i njohur Ardit Gjebrea është infektuar me koronavirus prej dy javësh dhe ka munguar në emisionin e tij “E Diela Shqiptare”.
Emisioni u prezantua nga disa personazhe publike, të cilët Arditi i ka falenderuar publikisht.
“Faleminderit për emocionet”, ka shkruar moderatori për Marsela Çibukaj e cila moderoi rubrikën “Ka një mesazh për ty”.
Ai ka falenderuar gjithashtu edhe aktorin Gentjan Zenelaj që prezantoi “Telebingon Shqiptare”, Ardit Gjebrea shkruan: “Sa shumë gëzim na solle sot.”
Ndërsa për rubrikën “Të panjohurit”, Gjebrea shkruan për Enkel Demin: Lezeti dhe batutat tek “Të Panjohurit”.
Ndërkohë që për Eni Çobanin ka pasur një mesazh se nuk do ta linte më vetëm, duke pasur parasysh se edhe përballja e fundit mes dy vëllezërve tek “Shihemi në Gjyq” ishte shumë e vështirë për të.
Ardit Gjebrea shkruan në rrjetet sociale: “Javën që vjen nuk të lë më vetëm.”
Mendohet se javën e ardhshme ai do të kthehet në emisioni i tij, i shëruar nga Covid-19.
