Është mbyllur mes debateve Komisioni Hetimor për Incineratorët. Përmes një prononcimi për mediet, Jorida Tabaku ka akuzuar përfaqësuesit e Partisë Socialiste se me moszgjatjen e punës së komisionit, janë duke bllokuar hetimin e aferës së inceneratorëve.
Po ashtu, Tabaku theksoi se PD do të vijojë ta denoncojë këtë aferë, dhe se së shpejti do të publikohen fakte të reja lidhur me skandalin e incineratorëve.
“Fatkeqësisht PS votoi kundër hetimit të incineratorëve. Për tre orë u përpoqa të kërkojë socialistëve të votojnë planin e hetimit. Nuk kanë arsye të fshihen hetimit sot. PD prezantoi sot një plan hetimit me 20 dëshmitarë dhe kërkoi të zbatojë rregulloren. Kërkuam të vijë informacion nga institucionet shtetërore. Ka munguar. Komisioni ka një fitore të vogël, arrestimin e Lefter Kokës. PS duhej të na lejonte të vijonim hetimin për tre muaj. Nuk u lejua. Me votën kundër hetimit sot PS doli mburojë e Edi Ramës dhe e Lefter Kokës. Nuk e justifikoj votimin kundër. PD është e vendosur të denoncojë dhe të çojë prova të tjera në SPAK, si dhe do bëjmë publike informacionet që na kanë ardhur tek Komisioni Hetimor.”- tha Tabaku, duke shtuar se SPAK duhet të tregojë që nuk ka mbrojtje politike për askënd.
Sipas nënkryetares së PD-së, korrupsioni i inceneratorëve duhet të jetë një këmbanë alarmi për buxhetin e Shtetit.
“Nuk na ndalojnë jo vetëm për incenearorët pro edhe për aferat e tjera korruptive. SPAK duhet të tregojë vendosmëri, duhet të tregojë se nuk ka mbrotje politike për askënd. Korrupsioni i i inceneratorit duhet të ishte një këmbanë alarmi për buxhetin e shtetit.”- u shpreh Tabaku.
