Është Urdhri Ekzekutiv i Presidentit Amerikan Joe Biden që kap këta dhe mijëra të tjerë si këta. Është bërë hataja mbi pasuritë e një populli në 30 vjet.
Shkruan Sokol Pepushaj
Shkëlzen Berishën dhe Olsi Ramën, Gjigandi i motorit të kërkimit Google, i “ndjek” prej disa vitesh për hajdutë. “Filtri” virtual tashmë i ka “mbërthyer” e nuk i lëshon. Nuk i lëshon derisa të bëhet drejtësi. Vëndimi Ekzekutiv i Shtëpisë së Bardhë, për krimin ekonomik në Ballkan, veçmas në Shqipëri, ka shtrirë pushtetin ligjor mbi çdonjërin që ka abuzuar me fondet publike.
Sapo klikohen emrat e tyre, i sillet filtrimi botës dy-tre herë, e fap, “siten” si Hajdutë.
Të tillë janë mijëra politikanë, pushtetarë, emigrantë me pasaporta kryesisht amerikane, biznesmenë, matrapazë mediatikë, mafiozë idiotë, që sot kanë para të bllokuara dhe identitete nën filtrin e hetimit pasuror.
Emrat e tyre bëjnë “konflikt” në internet dhe nuk u ofrohet asnjë shërbim transfertash në para.
Shumë prej tyre, kanë pasuri në shumë emra.
Kanë ardhur nëntë vitet e fundit nga emigracioni dhe kanë përfituar miliona dollarë nga fondet publike.
Të tillë ka çdo ministri, drejtori të rëndësishme, doganë, bankë, bashki, tender apo serë droge me leje partie.
Por lajmi është i mirë. Llogaritë bankare u janë bllokuar dhe emrat e tyre nuk mund të kenë as edhe një kontakt me bankat apo aplikacionet e transfertave monetare.
Edhe vendimi i Partisë Demokratike për Vetting të politikanëve, nuk “trokiti” rastësisht. Pas disa takimeve të ”vështira” të Lulzim Bashës me ambasadoren Yuri Kim, erdhi ajo kërkesë.
Në Politikë janë gati të gjithë hajdutë. I pari që e humb betejën është Edi Rama. Ai, edhe banesën e ka me vendim gjykate fallco, të blerë tek Fatmira Hajdari. Kjo dihet, ndaj Ramës i ra si “bombë” kontrolli i pasurisë, ndaj e ka humbur logjikën dhe do përpiqet ta shtyjë ndonjë muaj Vetting-un për vete, si dikur Adriatik Llalla.
E ka humbur betejën “ushtria” e hajdutëve, qartësisht, katër Klanet Mafioze që drejtojnë 20 familjet kriminale të ekonomisë, politikës, pushtetit dhe trafikut, janë gati për sekuestro dhe burg.
Ka rënë Kështjella e Krimit.
Të gjithë, po të gjithë ama, e kanë fletën e kalendarit “varur” në “gozhdën” e drejtësisë.
Politikanët, pushtetarët, bashkiakët, prokurorët, avokatët, gjykatësit, drejtuesit e mediave, biznesmenët që nisën me 1000 dollarë fonde, noterët që tjetërsuan pronat, e që sot kanë vënë mënjanë miliona dollarë nga vjedhja e njerëzve të varfër, do ta kthejnë atë ç’kanë vjedhur nga fondet publike.
Dy fëmijët e Sali Berishës, Shkëlzeni dhe Argita, në “opozitë” kanë shtuar si “fitime” disa herë më shumë se të ardhurat e Presidentit Amerikan. Lëre pastaj ç’kanë fshehur.
Me një të rënë “lapsi” Argita, në kohën e artë të Babushit të vet, kursimet e 20 viteve President i SHBA-ve, si me thënë mbi tre milion dollarë, i ka “fituar” me një “këshillë” ekonomike, këmbë mbi këmbë.
Po vëllai i kryeministrit?
Ky është vëllai më me fat e më i paguar në Botë. Sapo erdhi nga emigracioni, si vëlla kryeministri, u bë lord prej vërteti. 200 milion euro në Parajsat Fiskale që vitin e parë i kishte investuar pa problem. Sot ka aq dollarë, sa buxheti i shtetit duket “kockë e lëkurë” përballë “kuletës” së vëllait të kryeministrit.
Si “kusure” xhepi, tek Klubi Sportiv Partizani Olsi Rama, ka rrogë më të madhe se një Gjeneral i NATO-s.
Pastaj, ato serverat e basteve online për gjithë shqiptarët e botës, ku janë instaluar. Mos vallë në Tiranë?
Hetimet e familjes kryeministrore janë një “pus i thellë” pasurish të vjedhura barbarisht një populli që ende s’ka guxim t’ia thyejë kokën hajdutit.
Prandaj do sekuestrohen këta.
Është Urdhri Ekzekutiv i Presidentit Amerikan Joe Biden që kap këta dhe mijëra të tjerë si këta. Është bërë hataja mbi pasuritë e një populli në 30 vjet.
Këta bosë, këta sheikë, këta “Peshq” të Mëdhenj, këta hajdutë, sot janë në hetim. Emrat e tyre nuk ka se si të kenë mardhënie me paranë, pasi “filtrat” e internetit, i “mbërthejnë” për hajdutë./Pamfleti
